بأرحل فمَان الله مَا عَادني جاي
................................ بأرجع مثل ماكِنت .. ماني :- (جريحك)

كاني ظلمتك .. لا تقصّر بِ جفواي
............................... وكانك ظلمت .. الله أبد لا يبيحك !

ماتذكر إنّي قلت لك ساعة رضاي :-
................................ [أحس يومك غبت .. كني ذبيحك] ؟

[روحي تبي تطلع وانَا اشوف رجواي
................................ تزيد غصبٍ عَنْ شموخي تصيحك] !

[نسيت حتىَ مِنْ قسىَ الجَرْح مَبداي !
................................ وهانت علي نفسي، وقمت أستبيحك]

مِنْ قلّة الحيلة، وغبنة حناياي
................................ قمت أدعي إن الله يعجّل مطيحك !!

وهذاك طِحْت اليوم مِنْ عين دنياي
............................... .لكنك بِ عيني .. وقلت أستريحك




مَابيك دامك مَا تبيني .. ولي راي
................................ وشْ رايك أرحل عنك، وأبقىَ مريحك؟




أبذكرك بِ الخير ..
لكن ماني جاي ،!

وأبيك تذكرني بِ خير ،
وبَ ابيحك .. !



ل..... أبراهيم الرشود

تحيأاإإتي ........