مسا الخيرللجميع وكل عام وانتم بخير

الا يامسافر النمسا تذكّر خاطري المكسور
دخيلك قلبي الوافي طواه الهم وأتعنّا

انا ادري ارضها خضراء وبراد وجوها ممطور
وحداك القيظ ياعمري تقضّي الصيف بفيينّا

اسلّي النفس بغيابك واقول صويحبي معذور
صغير السن ومدلل وانا لعيونه استنّا

لك الله ضعت من دونك ودمعي دايمٍ منثور
رجيتك لاتخليها تطوّل غيبتك عنّا

تركت الهم في قلبي وعشت بدنيتي مقهور
طوتني لوعة الفرقى ولا مرسول طمنّا

تذكّر يوم حبيتك وكنت بشوفتك مسرور
واقول امر على عمري. حياتي قول واتمنّا

امر البيت بغيابك واشوفه مظلم ومهجور
ويهل الدمع من عيني واجر من الحزن ونّا

حبيبي ليه تتركني ترى منت لكذا مجبور
غريبه تفرح بدوني وتنساني وتتهنّا

انا وشجابلي النمسا زهت بعيون سيد الحور
وخلّت صاحبي عني يقضّي الصيف بفييّنا

الا يامسافر النمسا تذكّر خاطري المكسور
دخيلك قلبي الوافي طواه الهم وأتعنّا
ياصاحبي ياللي علشانك تحديت الظروف
اسمع كلامي زين وافهم وش اقوله من فمي

ماهوب انا اللي تتركه بين الخناجر والسيوف
وتمص دمه بين خلق الله يامصاص الدمي

انا بدوي ماسكن بالوقت مسكان الضعوف
اتبع هوا بالي واسير عند ذودي وغنمي

طوفتهالك لجل خاطر عين ولا ماتطوف
ولا انت مهما زاد وزنك وزني يطرحك نسمي

ياقوم ياللي تذبحون الحي قدر للضيوف
وشرايكم باللي يعشيني من وصال لحمي





منقووووووووول