تويت
حاولت..اكتب لك قصيده واجلّك..
لقيت حتى الشعر..فيك انت مبهور..
امدّه لوصفك..قصر..ماوصلّك..
وشلون اجل..لو تاه فعيونك الحور..
نبطي انا وياه..ماحدٍ يدلّك..
جينا بنوصف..صرنا للوصف جمهور.
الشمس ياما حاولت رسم ضلّك..
لكن ضلّك لا انرسم..ينعكس نور..
يا لغز عشقٍ صعب ماحدٍ يحلّك..
ياصدق..مهما نكتبه..ينقرا زور..
انت المليك اللي بقلبي تملّك..
من غير لبسة تاج وعروش وقصور..
ملكت قلبي دون سيفٍ يسلّك..
لأنك ولي نعمه..وانا عبد مأمور..
مجنون..من يجلس معاك ويملّك..
صمتك لحاله..سالفة شعر وشعور..
متواضع وطيبتك تملا محلّك.
ومنك محلك..يمتلي حسن وغرور..
يالغايب..الحاضر..ياكثرك..ياقلّك..
الغيد..تكمالة عدد..مالهم دور..
تعال ضيعني..عجزت استدلّك..
ماعاد لي الا انت..والوضع مخطور..
عشان عينك..قلت للحزن خلّك..
وعشان حزنك..قلت للفرحه تغور..
لأنك حياتي..ياحياتي لعلّك..
تمطر سما حبك..لي ورود وزهور..
ياكثر حبك..وانت مافيك كلّك..
ينحب..واللي يبتلي فيك معذور..
وان كان حبك..مهدرٍ دم خلّك..
فدوه..واذا لك ذنب فالذنب مغفور..
لا تلحقك ديّه..ولا احدً يزلّك..
عشقك ضروره..حلّلت دم محظور..
انا تراني كل حالي..فداً لّك..
وانت بصراحه ودون ما الف وادور..
فوق القمر ارقى..وتلقى محلّك..
سحرك من الله..يوم انا رحت مسحور..
يا لغز عشقٍ صعب..ما احدٍ يحلّك..
ياصدق مهما نكتبه..ينقرا..زور..
(...عازف...)
تعليق