تويت
من حقّي أسال عن أول واخر اخبارك ومن حقّك انّك تنشدني عن أخباري
مايتعب اللي يودّك طول مشوارك يفداك قلب ملك هالطيب لك ساري
لولا الغلا وش يصبرني على نارك هجرت قلبي وقلبي للوصل ضاري
ماغيرك أحدٍ بهالدنيا سكن دارك دارك عزيزة على نفسي مثل داري
محال قلبٍ يحب ويسكن اقطارك يرحل وأنا شايف للعين مقداري
مقبول ما وصلني قبل أسمع أعذارك ياغاية اللي بعشقك دايم يماري
ماودي انك حبيبي تشتت أفكارك الحال وحده وأنا بالرّوح لك شاري
ماهوتطفّل ولكن كبر مقدارك خلاني أسألك يأول واخر أخباري
كلمات ::::::: مخاوي الليل
تعليق