تويت
حياتي صعبه من دونك
حياتي صعبه من دونك
حبيبي الشوق ذابحني على بعدك غديت احزان
يداري صوتك اوجاعي واطيب بنبرة لحونك
حبيبي يا ضوى ايامي تجيني في المنام احيان
افز من الفرح ظنّي عيوني اللي يشوفونك
احب النوم واتمنى اشوفك حلمي الولهان
حروف اسمك على اشفاتي وقلب يقول يا عونك
متى تضحك لي الدنيا واريِّح قلبي التعبان
تجي ايامنا الحلوه واغيض اللي يحسدونك
احبك قلتها مليون احبك طلعها اغصان
بقربك تورق اغصاني ولالقى من يساوونك
شريت ارضاك بالدنيا حفظتك ذاكره بوجدان
ابد مازْعلْك يالغالي حياتي صعبه من دونك
ابعتبرك ربح عمري وبعدك احسبه خسران
عسى الله لا يفرقنا حشا بالله ما اخونك
اموت بنظرتك واحيا واحقق بك امل ولهان
فديتك يا بعد عمري تراني اعشق جنونك
تعال وتورق ايامي تعال وتنتهي الاحزان
عطيتك كل ما عندي عساني فدوة عيونك
ولك مني الوفا والحب وقلبٍ صادقٍ ما خان
فديتك قلبي وعيوني حياتي وروحي يفدونك
لشاعرة ...ينابيع السبيعي
تعليق