صباحكم / مساكم .. بوح

:

:

طيّرني الحظ ووقّعني على بابك
ومن وقعتي قامت ضلوعي توجّعني ..

وبدال ما تقول أرحب تقول وش جابك
وانا اللي عنك حسبت لا شي يمنعني ..

ما كان قصدي بحضوري تفقد اعصابك
بس شي لمّك أحسه دوووم يدفعني ..

عندي كلام ٍ بقوله بحضرة جنابك
ياليت تعطيني الفرصه وتسمعني ..

تدري وش اللي يصير بلحظة غيابك
لا من رحلت ولا فكّرت تودّعني ..

الكون كله يصير بعيني متشابك
ونواقيس حزني على فرقاك تقرعني ..

واشتاق لضحكة شفاتك ونبرة عتابك
والهم كلما صرعته قام يصرعني ..

أحداث واجد تدور اليوم باسبابك
وانت بسباتك وقلبك ما سأل عني ..

علمتني الطيب وفجأه تكشّر انيابك
تقول برحل وإذا بك خير رجّعني ..

كسرتني كنّني لعبه من ألعابك
ضايع بحبّك وجى غدرك وضيّعيني ..

حرام قل لي خفوقي ويش سوّا بك
دايم يطيعك إلى من قلت له طعني ..

رمى بنفسه على ايدينك ولا هابك
يقول ياليت على طبوعك تطبّعني ..

هذي جزاته يصير اليوم يشقى بك
وخليته يصرخ يا ظالم ليش تخدعني .. ؟؟

أدري عذابه يثير هالوقت إعجابك
خلّه يتحمّل ما دامه فيك شجّعني ..

وانا وصلتك وجيتك ناصي ٍ بابك
ودّي أقول اللي قلته بكل ما يعني ..

لو ما ترحّب ترى ما يهم ترحابك
ولاني بشاريك ما دامك صرت بايعني ..

جيتك أبرمي بوجهك باقي اتعابك
ولا تفكّر بيوم على الرجعه بتقنعني ..

جيتك وياليتني ما انضفت لاحبابك
ولا بارك الله بحظ ٍ فيك وقّعني ..
منقول للامانه ..