تويت
كنت اظنه من رجال ٍ في الشدايد يفزعون
السكوت الي احتواني سبته كثر الطعون
والجروح الي غزتني عمرت فيني الحزن !
ماهقيت الصاحب الي منزله وسط العيون
قد شطب معنى الوفا يوم اقفيته وطعن !
( للمعزه .. والموده ) كنت متأمل يصون
ويبقى في دربي سند من غرابيل الزمن
كنت اظنه انسان صادق مستحيل انه يخون
ظني في بيت الاصاله والشهامه قد سكن !
كنت اظنه من رجال ٍ في الشدايد يفزعون
واحسافه يوم اني كنت اظن وكنت اظن
اثره ابيوم ٍ وليله .. خيب امال وظنون
واكتشفت ان الدنائه تعتبر قلبه وطن !
شخص مثله بلا كرامه .. يتبع الي يدعون
( بالرجوله )..بس مابه في فعايلهم رزن !
وانا لي (كلي رزانه) واشهد انها ماتهون
واتزين بالطباع .. الي لها قدر ووزن
شامخ ٍ ما اهتز شاني .. ثابته فيني الركون
وان كثر زلزال غدره .. مايحرك بي ركن !!!
يا كبرها .. من مصيبه .. في زمانك .. لو تكون
الصداقه .. مثل سلعه بيعها بارخص ثمن !!
مابقت للدنيا حولي في عيوني اي لون
بعد ما ( ماتت ضماير ) .. والنوايا ماصفن !!
منقوووول
تعليق