ليه اذا حبيتك أكثر زدت قسوه
وان دريت بحاجتي لك .. زدت جفوه


وان عطيتك من حياتي ماتريده
ماكفاك وتحسب ان الحب نزوه


والله اني يا أحب الناس.. أحبك
والله ان الروح لو ترضيك.. فدوة


والله اني تارك غيرك .. وجيتك
مزعل الزعلان والعذال عنوة


كل دقة قلب فيني لك قصيده
تكفى الدنيا مع الاحباب غنوة


وكل هاجس مايجيب الا خيالك
سلوتي بالعمر .. في صحوة وغفوه


اجمع احساس واشواقي واجيلك
والبس ثياب الهوى والعشق كسوه


وانتقي من سواليفي حسنها
والقصايد من غزلها كل حروة


وأنثر العبرات والضحكات عندك
واقول اني احق الناس فضوة


ادري اني عادي مافيه ميزه
وادري اني كادح ماحاش كروه


وادري اني في خريف العمر ماضي
مابقي بيني وبين القبر خطوه


لكن اني صادق في ما اقوله
واطلب من الله عن الزلات عفوه


(حتى سلامي ترده ومتخاسر فيني كلمه )]