تويت
شاب كان عنده حبايه فى رجليه شوفو ايه جراله قصه حقيقيه
المشهد الاول:
"يضع الطبيب السماعة على صدر ضياءفى مستشفى خاص"
ضياء: يا دكتور أنا كويس ما فيش داعى تجهد السماعة..أنا جاى أكشف على أساس طالعلى
عين سمكة فى رجلى..وبعدين أنت تخصص جلدية ..يعنى اخركتلعب فى سطح الجسم
الطبيب:عندك شريان ضيق ..ف الغالب هنركبلك دعامة.
ضياء:بس أنا مش حاسس بحاجة.
الطبيب:كل المرضى بيقولوا كده ..كان عندى مريض مش مقتنع ان عنده السكر غير بعد ما حلل
..طلع عنده سكر وم الجمعية كمان.
ضياء:"فى ذعر" والدعامة دى هركبها امتى ؟
الطبيب :عايزك تطمن وما تشلش حاجة تقيلة..الممرضات هنا سهرانين على راحتك..حط فى قلبك أسترة صيفى.
المشهد الثانى:
"يظهر ضياء ممددا على السرير فى المستشفى"
ضياء: ل"رباب الممرضة":ياأنسة ميعاد الدوا بتاعى فات بقاله ساعة..دا برشام قلب مش أقراص شيكا بن.
"تظهر رباب وهى تتحدث مع شاب عبر الهاتف".
رباب :يا خرابى على كلامك اللى زى المورفين..امتى بقى هنفتت الكتلة اللى واقفة حاجز بيننا..امتى نتحد ونبقى عنصر مركب ونعيش مع بعض ف هيكل عظمى واحد..
الشاب:انت مش مجرد واحدة بتدينى سرنجة طالع منها ابرتين..اللى بينا اكبر م الاسعافات الاوليةيا مزة.
*المشهد الثالث:
"يذهب ضياء الى طبيب اخر فى مستشفى حكومى"
الطبيب : مين قال ان عندك شريان ضيق . يابنى انت شريانك أوسع من ماسورة المجارى.
ضياء:يعنى أنا سليم؟
الطبيب :انت عندك تليف فالكبد..
*المشهد الرابع:
"يذهب ضياءالى طبيب فى عيادة خاصة".
الطبيب:حيوان مين اللى قال عندك تليف..
معدتك هيا اللى تعبانة من عفن الخبز اللى بتاكله..لا خبز ايه ..دا انت واكل العفن وسايب الخبز يا راجل.
*المشهد الخامس:
"يعطى ضياء كيس ممتلئ بالادوية الى رجل فقير يجلس على الرصيف"
ضياء:ل" الرجل " :شوف اللى يلزمك ف الكيس والباقى ارميه.
الرجل:الكيس بس هو اللى يلزمنى يا بنى..اتكل على الله..
عروس النيل
تعليق