تويت
وش فيه لو حبيت وش فيه لو حبيت من زود وش فيه
الحب نعمه كل نفس وصلها
أحدٍ عماه الحظ وأحدٍ يقدّيه
الله خلق هالخلق والله كفلها
لو أسعد الأيام ينباع نشريه
بأغلى ثمن والبايره نعتزلها
الجود ما يبني سوى بيت راعيه
والمكرمه بالحب قلبي حملها
الحب مثل النّبت محتاج نسقيه
بعض الجفا يفسد محاصيل أهلها
والي فقد شي ترى كيف يعطيه
تعطي هرووج ولا يتمم عملها
ان كان تبحث لي من عيوب يا هيه
ان شفت شي من العذاريب قلها
وان كان تسمعني ترى الهرج تاليه
كل يطفي ناره الي شعلها
صويحبي لا صرت أحبه ومغليه
تموت عذال الهوى في مهلها
والله أحبه حب ماني بمخفيه
حب سكن باقصى الضماير دخلها
كلمات .. مخاوي الليل
تعليق