تويت
همس الغلا
خلاص ما بيني وبينك نسيته
صدقني إنه ما يجي لي على بال
سجل حبك من خيالي طويته
دام الهوى في نظرتك لعبة عيال
تخطي علي من دون ذنب جنيته
ما كنت أظنك تستمع هرج عذال
حاولت أعدل وضعنا ما قويته
أمنين ما طقيتها تضرب الجال
دورت لك أدنى عذر ما لقيته
شكلي أبرجع خلف من عقب الاقبال
يوم ان قلبك مخلص لي شريته
بعذب المشاعر ما شريته بالأموال
وهمس الغلا من كل قلبي خذيته
وطيفك تحت بيض المحاني له ظلال
واليوم طابت من جفاني جفيته
ما عاد له في ساحة القلب منزال
محمد الخربوش
تعليق