على كثر..إتصالات الخلايق...في صباح العيد
أنا والله....ماكنت اتحرى غير ...جوالك
تحريت ..اتصالك انت يالغالي...وبالتحديد
لأن العيد ماأظنه يجي وانا ماجيت في بالك
تصور كيف مر العيد ..من تنكيد..في تنكيد
وأنا ماغير اهوجس بك..وانادي...واتحرالك
وجوالي...غدى مثلي ..تنهد..واكثر التنهيد
يقول:ابطى عليك..وقلت:اكيد العله ارسالك
وقمت اكذب على نفسي واقول..بصيغة التأكيد
أكيدالحين بيتكلم..وانا ادري...ماطرينالك
على مايبدواني كنت عن.. بالك..بعيد..بعيد
حرام.. بليز.. صدقني انا ماستاهل افعالك
انا ملكك.. وانا دايم..على ماتشتهي وتريد
انا وياك...تعرفنا...كمالمملوك ..والمالك
انا رهن اصبعك...أشر..ومن هالأيد..الى هالأيد
على كل ...اعتباراتي...انا طفلك...ورجالك
واذا غايتك...تذبحني..فمانت بحروة التاييد
توكل ..وانت تلقاني...متى ماتنوي..اقبالك
ولكن لاتعودني...على الفرقا....ونار البيد
انا عايش على خبرك...نعيمي...وجنتي وصالك
جفاك ..اليوم قيدني... تعال وفك هذا القيد
كلمني....وعايدني...وقلي...انت وش حالك
ياليت العذر "فاتورة"عليك..بحاجة التسديد
اخاف العذر... هي قولة:نسيته..رقم جوالك