هم مثلي عندك وطن يبجي عله حاله وطن
يسبح ابماي الحرب ويعيش دوم بفتن
التابوت والمكبره بيه سدن وخضرن
يدموع امي اشكثر صاحبن خدهه وجرن
لون السواد استحه هدوجهه اتعذرن
كابرت ليل الصبر وتلاوة ويه المحن
العصابه امي الحزن دك عله راسه وحزن
اشكثرباعت دمع بس الخدود اشترن
هم شفت موطن عدل بيه بندقيه اتثور
والمشكله اهل الجهل تكتل بهالي النور
مسجين ياموطني خبزه بحلك تنور
خضرت موتي وجثث ومفخخه وشاجور
بالك تغمض جفن ويبوكك الناطور
خل جدمك عل الجمر وافتر وياة وادور

صيح ويه صوت الحزن من دمك المهدور
لم لم يتامك ومش ياوطن الدستور


كله ارد ازور الوطن ونطي البقايه انذور
لن كاعك ولا شبر من عندهه ظلت بور
ماخضرت ياوطن روس اوجثث وكبور
هم شفت خلك النخل لمن يحمل رطب
يتحمل الكاصده ويحطه فوك الكلب
حيرني هذا الوكت بيه اني شفت العجب
شفت الفقير انحنى والغني بظهره ركب
والظلمه صارت جسر شوف الشمس منحجب
وبعيني شفت الشعب مصنوع من الحرب
وبصوته مابيه صدى فهموني شنهو السبب
وشلون اعيش بوطن واهله عبالك غرب



غدير العراق الجريح

منقول للامانه