وصفتك يالغضي بكبار المواصيف
بس الوصايف قصرن ياصفنك

والمحبره وقلام وعدة عواريف
صدقني! عجزن بالشكل يرسمنك

وشف القوافي راجعات مكاسيف
عادن ونا مرسولهن يدرسنك

ولقيت نجوم ساطعات ملاهيف
بجسم حسين الطول هن يذكرنك

عيون خد نهود اردوف ملافيف
جدايل... لمخصرك عذبنك

وثنايا جنيهات بالشفه مصافيف
طول(ن) وخصر بالجسم كملنك

ولعتني وشفايفي بك مشافيف
قلبي وروحي استسلمن يرتجنك

انت الوحيد اللي من الخلق ماشيف
روحي ونفاسي والغلا يسكننك

في مهجتي بيتك رووس المشاريف
وبين الحنايا جنان لك ياسعدنك

ابيك بين حروف كله مثاقيف
الواو والسين زخرف يملحنك

انته لروحي الدواء والمضاريف
حياتي في كونك تلعب بفنك

ذبحتني يالزين ويديي مكاتيف
حر!ام!! دام عيوني بس يشخصنك
عاهدتك بالحشمه وزين المواقيف
وياويل دموع عيونك لو يجرحنك


تحياتي <الحاره>