تويت
قطفت لك من باقة الشعر وأهديت
يا للي تواعدني ولا عمرك أوفيت
وأنا أحسبنك للوفاء رمز وشعار
مليت من كثر المواعيد مليت
زودت في هجرك وزودت الأعذار
أبعدت عني يا منى العمر وأقفيت
خليتني كني على لاهب النار
طيفك يلاحقني ليا أصبحت وأمسيت
الله يعين اللي على البعد صبار
وسط الحشا يا منيتي صار لك بيت
محلك عيوني لا ضاقت بك الدار
أنته مناة العمر لا من تمنيت
أنت الذي مختارك القلب ماحتار
تخطي علي وأسامحك كل ما أخطيت
أرضيك يا عمري ولو صار ما صار
بالوصل عاملتك وبالهجر جازيت
ما أصدق بهرج العواذل والأشوار
والنوم فارقني معك ما تهنيت
أسري مع الهاجس وياخذ بي مشوار
لا شفتني بالدرب قفيت وصديت
هذا ولك عندي معزة ومقدار
ونيت من هجر المحبين ونيت
هذي ظروف الوقت وظرو الأقدار
قطفت لك من باقة الشعر وأهديت
أهديت لك يا صاحبي زين الأشعار
للشاعر صنيتان فيحان العتيبي
تعليق