ديوان الشاعره النادرة

تقليص
X
تقليص
 
  • الصفحة لـ 6
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 template التالي
  • *مزون شمر*
    عضو مؤسس
    • Nov 2006
    • 18994
    #51
    سوايا غيابك

    تعال بحكي لك سوايا غيابك
    وزود العذاب اللي كسا وقتي أحزان

    هذي عيوني بس تطرد سرابك
    تتخيلك بين الزوايا والأركان

    و قلبي بعد ما مل صبري لجابك
    وهذي ضلوعي تشتكي حر الأشجان

    ياصاحبي قلبي تجرع عذابك
    يهديك حبه وأنت تهديه حرمان

    وش غيرك بعد الغلا وش دهابك ؟
    من بعد ماكنا على الود خلان

    أول إلا جيتك تردد هلابك
    اقول كافي وانته تقول ولهان !

    هذا تغلي منك ولا اغترابك؟
    تعال فهمني وبصغي لك اذان

    لومانت غالي ما انتظرت لجوابك
    بعتك وادور في الملا غيرك أنسان



      تعليق

      • *مزون شمر*
        عضو مؤسس
        • Nov 2006
        • 18994
        #52
        القدس يصرخ

        أبدا بذكر اللي له الخلق يدعون
        الواحد اللي كلنا عابدينه

        محصي الخلايق عالم مايكنون
        سبحانه اللي كلنا طايعينه

        أكتب لنا النصر ياوالي الكون
        وأكشف عن الأمه ظروف مهينه

        وأرفع غثاء الغمه عن اللي يصلون
        متوجهين للحرم قاصدينه

        وحرر أراضينا من أوغاد صهيون
        أهل القلوب الحاقده والمشينه

        اللي نواياهم بشر يكضون
        والغيض وسط قلوبهم كاتمينه

        اللي على الاسلام دايم يشنون
        حملات حقد دايمه مستهينه

        القدس تصرخ من تدابير ( شارون )
        وبطش اليهودي فيه طالت سنينه

        واهل العراق اللي من الضيم يبكون
        وكلاب بوش فيه مستعمرينه

        ارواح تزهق والعرب مايهرجون
        في أسكاتهم لحد وقت الغبينه !!

        حتى اصبحو منا الخنازير يدنون
        بقوات غدر وجعلونا رهينه

        ياويل حالي لا نظرت التلفزون
        وشفت الشباب يهان ومكلبشينه !

        ولا النساء اللي من قهرهن يصيحون
        على شهيد كلهم فاقدينه

        ولا الصغير اللي لبيتة يهدمون
        يبكي وبيته يهدم امام عينه !!

        ولا العراقي يوم في السجن مسجون
        ومن الضلال بكيدهم هاينينه

        حالة من الذله مكدر ومغبون
        والجسم بأسلاك القهر موصلينه

        ياللي عن الارهاب والظلم تنهون
        تنهون وأنتو باأرضنا قايمينه ؟؟

        لا ياوجيه الكفر تخسون تخسون
        أنتو هل الأرهاب وأممولينه !!

        ( يابوش ) جعلك من غثا الهم مشحون
        و عسى الزمان تذوق مره و شينه

        ويجيك شر فيه قومك يعجزون
        امصيبة تخرب عليك السفينه !

        يقطعك ياوجه من الغل مشيون
        وجه ردي كل العرب كارهينه

        يالله ياربي ترفع الضيم والهون
        النصر منك والفرج طالبينه

        حررلنا ( الاقصى ) من اللي يعبثون
        حتى الدعاء في ساحته مانعينه

        وصلاة ربي عد منهم يلبون
        على نبي بالهدى تابعينه



          تعليق

          • *مزون شمر*
            عضو مؤسس
            • Nov 2006
            • 18994
            #53
            يايم تبطي لياليك

            ياجعلها يايم تبطي لياليك
            وياجعلها تطرب وتسعد حياتك

            وياجعلها دوم السعادة تباريك
            والابتسامه ماتغادر شفاتك

            ياأمي أنا في دنيتي من يساويك
            من الذي في الكون يسوى غلاتك

            من الذي عندي بحبه يماريك؟
            والله مابه شخص يسوى حلاتك

            ياشيخة الخفرات ما أعظم حسانيك
            كن الجزالة وحده من بناتك

            وكن النزاهه ملك في قبضه أيديك
            وكن الشموخ اعطاه ربي لذاتك

            كل الخصال النادرة تجتمع فيك
            العز ثوبك والمكارم عباتك

            وأنتي فخر يايم للي حواليك
            حيث الأصاله كلها في صفاتك

            يفداك قلبي ياهناء قلب مغليك
            ويفداك قاف منذهل من سماتك

            وتفداك روح دايم الدوم ترجيك
            ويفداك فكر كل همه رضاتك

            واقول يايمه عسى الله يخليك
            ويمد فايامك وتحصل مناتك

              تعليق

              • *مزون شمر*
                عضو مؤسس
                • Nov 2006
                • 18994
                #54
                يالزعيمة يامنيرة

                يايمين الطيب يايمنا الجزايل
                يايمين الخير يايمنى الأميره

                يايمين فعلها طيب الفعايل
                مدها وافي وخيراته كثيره

                مدها بالساع ينقذ له عوايل
                همها طايل وحاجتها كبيره

                عمرها كله غرابيل و هوايل
                واشربت من كاس لوعات مريره

                وترتوي من بعدها كبود غلايل
                وتنتعش من خيرها نفوس كسيره

                يايمين فعلها صايل وجايل
                يسبق الخيرات ويواصل مسيره

                مدها يمشي كما في القوايل
                ماشي ظله على حشود غفيره

                وارثه للطيب من وافي الخصايل
                وحاكم للخير سلطانه وأميره

                الزعيم الفذ كساب الجمايل
                سيرته تفخر بها كل الجزيره

                سيدي سلطان وقفاته صمايل
                يرتكي للصعب ويحل العسيره

                سيدي هو فخرنا بكل الوسايل
                والشعر يزهاه له فعل وسيره

                وأنتي افضالك لها صدق ودلايل
                تفعلين الخير والمولى خبيره

                تشبهين الغيث وأمطاره همايل
                من قنوفه كلما روح غثيره

                عمني خيرك بضيقات الوسايل
                يوم قل الجهد ودموعي نثيره

                وفقك ربي على فعل الجمايل
                وزودك ربي بنعماتة وخيره

                ومتعك ياذخرنا يا أم الفضايل
                بالسعاده ياعسى عينك قريره

                والتحيه عد همال المخايل
                يالزعيمه يالأميره يامنيره

                  تعليق

                  • ررريمي
                    عـضـو
                    • Mar 2010
                    • 3
                    •
                    #55
                    حبيت هالشاعره كثير لاجل هذه القصيده التي سمعتها منها منذ زمن ومازلت محتفظه بها ولم اجدها بالديوان لكني ربما اكون قد احدثت بعض اللخبطه في الابيات لقدمها لدي فأرجو منك غاليتي ان كنت تعلمين عنها ان توضحين لي اين والابيات هيه:
                    يمه
                    كضرب العمر يايمه لكن ضمي ولمي
                    يمه حيلي به عبره ورجفة برد ضميني
                    ابشكيلك من القسوة بصدري اكبر همي
                    بكيت من اول الدنيا وببكي لاخر سنيني
                    يمه مابقت حيله ادعي ينفرج غمي
                    يمه ليه هالدنيا تفرحني وتبكيني
                    دمعه طاحت بيدك ودمعه بللت كمي
                    يمه كيف هاللضيقه تقتلني وتحييني
                    اه ..ماكبر سؤال دار خايف ماوصل فمي
                    من صغري الين الحين يصرخ بالقهر فيني
                    ليه اللي ظلم دايم اقرب ناسي ودمي
                    وأقرب لي من الشكوى عيونه شامته بعيني
                    قالو ان الحزن والد واقول ان القهر عمي
                    لين الهم من كبره احس انه عناويني
                    طيب وان سكت فمي حكت بي الناس من يمي
                    كل يحمل بيده حصاه وفيها يرميني
                    متى لاقالت الدنيا بطلب ردت بسمي
                    وانا مابي سوى الراحه تكفيني تكفيني
                    وابرجع لاول الدنيا لاول ضمه لامي
                    وطلبتك يالزمن وقف بذيك اللحظه سنيني
                    اختكم ريمي
                    والف شكر لطرح البوم هالشاعره الرائعه

                      تعليق

                      السابق 1 2 3 4 5 6 template التالي

                      google Ad Widget

                      تقليص
                      يعمل...