تويت
ارحلي
ارحلي بالدمعة اللي في عيوني ارحلي
ارحلي مليت أشوفك تو جرحي بأوله
اتركيني في عذابي لا تجيني طولي
اتركيني والمواجع بالخفوق مطوله
شكلها لي في حياتي حاكمتني والولي
كنها لي من زماني بالعذاب مخوله
كلما غابت دقايق في عجال تعود لي
بالجديد من الجروح تجيبها لي هروله
كنت أقول إن المواجع غيم صيف وتنجلي
وأثرها اللي في حياتي دايمٍ متجوله
كنت أشوف الحب جنات الخيال المخملي
وأثري اللي قد وعيت بوسط نار مهوله
سبة اللي في غيابه ناوي في مقتلي
كيف يذبحني وأنا اللي ميتٍ قلبي وله
لاجل أحبه ما أطيع الشور حتى من هلي
يزعلوني كلما جابوا ظنون مؤوله
أتظاهر بالسعادة لاجل أتوه عاذلي
وانكشف في حين عبراتٍ تجين مغوله
لاجل هذا يا دموعي من عيوني حولي
يكفي إني بين لوم وبين حال محوله
ناصر السلمان
تعليق