تويت
**ّّّ ّ ّ سر تقسيمه**ّّّ ّّّ
تعبت استأصل ايامي من ايامي واجي مسرور
تعبت امرر اعذاري على شفاهي مثل غيمة
تعبت ابارك غيابك واقول ان الغياب حضور
تعبت اغيِّب جروحي واقول ان الصبر شيمة
انا المركون في صدر السواحل والبحر ميسور
انا ذاك السراب اللي ضحك من سالفة ديمة
هنا..والحالك المضني يجي من اخري مجبور
يرتبني الوبر صبحٍ على ذيك القرى خيمة
اخيط من الأمل فَيَّة ولا القى غير ذاك السور
وهو من قلة حظوظه تهاوى قبل ترميمه
وتذكرني غصون الناس إذا كان الطهر عصفور
اجي من مشرق اخلاقي افج نحور تعتيمه
رميت الجوع في بطن الرغيف ومَهْتنا تنور..
قبل لايمد لي يده جهرت بسر تقسيمه..
اشوف الناس من حولي ملامح من بقايا قصور
يفتت حزنها البارود تجفل لا اطلقوا ريمة
تطاولت المكان اشهق قبل لاتحتضربي دور
وقلت النعش يا فقري هنا يحتاج توسيمه
صباحك غير ياقلب تقهوى غربتي مقهور
عزفه الهيل لشفاهي وانا اتعلل ترانيمه
تخطَّفت النجوم احكام وصغت من الضيا دستور
وقلت العيب لو صبحي رضخ لاقوال تنجيمه
احبك ينفتح صدري بلاد وراسخات جذور
احبك ينخنق صبري بعاد وحلم ياضيمه
مابين الحب والفاقة رضخت لمعطيات غرور
لذا اخرت لك شوقي قبل لاسعى لتقديمه
احس ان الحكي جثة وصدر الحابسين قبور
عظام ونشرها صدقك وزور الحكي تهشيمه
واشوف الغيم دخانك بَياض واسوده ممطور
هيا الاشياء تتناقض كما قل الحكي قيمة
وانا مابين صداتك وسيف حظوظي المكسور
سهرت وغمد نزواتي يسامر حلم تحطيمه
:a: م ن ق و ل
تعبت امرر اعذاري على شفاهي مثل غيمة
تعبت ابارك غيابك واقول ان الغياب حضور
تعبت اغيِّب جروحي واقول ان الصبر شيمة
انا المركون في صدر السواحل والبحر ميسور
انا ذاك السراب اللي ضحك من سالفة ديمة
هنا..والحالك المضني يجي من اخري مجبور
يرتبني الوبر صبحٍ على ذيك القرى خيمة
اخيط من الأمل فَيَّة ولا القى غير ذاك السور
وهو من قلة حظوظه تهاوى قبل ترميمه
وتذكرني غصون الناس إذا كان الطهر عصفور
اجي من مشرق اخلاقي افج نحور تعتيمه
رميت الجوع في بطن الرغيف ومَهْتنا تنور..
قبل لايمد لي يده جهرت بسر تقسيمه..
اشوف الناس من حولي ملامح من بقايا قصور
يفتت حزنها البارود تجفل لا اطلقوا ريمة
تطاولت المكان اشهق قبل لاتحتضربي دور
وقلت النعش يا فقري هنا يحتاج توسيمه
صباحك غير ياقلب تقهوى غربتي مقهور
عزفه الهيل لشفاهي وانا اتعلل ترانيمه
تخطَّفت النجوم احكام وصغت من الضيا دستور
وقلت العيب لو صبحي رضخ لاقوال تنجيمه
احبك ينفتح صدري بلاد وراسخات جذور
احبك ينخنق صبري بعاد وحلم ياضيمه
مابين الحب والفاقة رضخت لمعطيات غرور
لذا اخرت لك شوقي قبل لاسعى لتقديمه
احس ان الحكي جثة وصدر الحابسين قبور
عظام ونشرها صدقك وزور الحكي تهشيمه
واشوف الغيم دخانك بَياض واسوده ممطور
هيا الاشياء تتناقض كما قل الحكي قيمة
وانا مابين صداتك وسيف حظوظي المكسور
سهرت وغمد نزواتي يسامر حلم تحطيمه
:a: م ن ق و ل
تعليق