تويت
انا الخاين انا المذنب انا اللي ماعرف قدرك
انا اللي خنت احساسك ودمرت الوفا تدمير
انا ذاك الذي اغمد سيوف الغدر في صدرك
انا العاشق لتعذيبك متيم في هوى التغيير
انا منهو ؟؟ ...عرفتيني انا تايه وسط بحرك
انا اللي لا عشقت الامس يومي اقلبه تذمير
ترى ما اعجبني اسلوبك ولا بردك ولا حرك
ولا تعجبني البسمة وحبي مايبي تخيير
تبين افلان..روحي له .. انا ماهمني هجرك
نصيحه لو بغيتي ذاك .. روحي له بلا تحذير
انا منك عرفت الغدر ومنك يحتصر امرك
انا فيك ابتديت الحلم وانهيته بلا تفسير
انا كل الخطايا اللي حملتيها على ظهرك
انا ذنبك..وغفرانك..انا الصوره انا التعبير
على فكره عرفتيني انا جهرانك وسرك
انا اللي لا خفاني الامس يومي كسره تكسير
انا قصة رجل صابر على بعدك على غدرك
انا الراضي لاخطائك وكلها مالها تبرير
انا خيمه نصبتيها على كفك على بَرك
كسرتي دلة اشواقي بلا توبه ولا تكفير
انا ماني ولد عاصي افجر نفسي بصدرك
انا المسجون بعماقك على كيفي وانا له مير
انا من عذبي اسقيتك عساه يفيض من مرك
عساك ويا عسى يومك يفيض من الوله تنكير
انا يابنت ماني ذاك ولا من باح في سرك
لعبتيها مع المسكين وسرك لا يزال ف بير
رغم هذا انا الخاين..!! انا اللي ماعرف قدرك..!!
اذا فيصل هو الخاين..!! من اللي يستحق تقدير
من اللي من بعد فيصل يكابر في زمن عصرك
من اللي استعمر احشائك؟ من اللي ينتظر تحرير؟؟
عرفتي منهو الخاين؟؟ من اللي دمره غدرك؟؟
من اللي خانه الموقف ؟على شانك بلا تفكير
كفى يابنت ماعادت اجروحي تنتظر عذرك
تهني واتركي عمري وعيشي لعبة التغيير
عرفتيني انا من هو؟؟ انا دنياك انا قبرك!!
انا حلمٍ تلاشى فيك.. وحبٍ ينتهي ويصير..!!
القصيدة لشاعر فيصل المريسي
تعليق