قصيده رائعه,, لشاعر\\ ملفي بن عون .. : ..





يادحيم لو شفت غرو(ن) ضاق فستانه
بيّن تفاصيل جسمه نعنبو حيه

مدري يبا السوق ولا بيت جيرانه
والناس مع ساقته راكب ورجليه

تمشي على هونها ماهيب عجلانه
وثنتين معها ولاهن عندها شيه

مرت وهي بالوسط ماهيب طرفانه
هي الطويله وهنه اقصر شويه

اللي على يمينها يادحيم هلكانه
طرت علي المجاعه في ثيوبيه

واللي على يسارها تقول مرضانه
في كف جوال والثاني ميدليه

تاخذ وتلخص وفمها فيه لبانه
تقول تمشي على نغمات غربيه

تلد بعيونها لو مالها خانه
والقلب ماهوب فندق للرومانسيه

ماجاب طرق الهجيني غير من شانه
مياسة(ن) كنها بالوصف حوريه

القلب سلم لها مفتاح بيبانه
حووريه(ن) بين جنيه وجنيه

لاهي نحيفه ولا بالحيل مليانه
ريان عوده وعنقه عنق ريميه

يوم اقبلت شفت رمانه ورمانه
رمانتين بوسط الجيب مخفيه

كن النحر لو غطى نصفه بكتانه
قدحت فلاش المراسيم الأميريه

منها خطورة على زنده وسيقانه
استغفر الله عذاب للهاواويه

اللي على موتره وقف على شانه
واللي تبعها بلا غتره وطاقيه

حتى اليماني طلع ما صك دكانه
اعذر بقشه ولا سكر توجريه

يادحيم قلبك تولع يم لبنانه
وش لون يالشمري لو شفتها هيه

ماهيب شامية(ن) دقت وغلطانه
لا والله الا هنيا بالسعوديه