السلام عليكم ورحمة الله وبركاته
هذي قصة واحد تعرف على وحدة عن طريق الازعاج بس للاسف ماكان يدري ان هذي نهايته مع هالبنت اللي ماكان يعرف عنها شي...
شخص كان يزعج كثير من الارقام وكل ماترد عليه وحده تقوله النمرة غلط ولاعاد تتصل المهم عقب تقريبا عشرين محاوله طاح في رقم وحده وقالت له النمرة غلط ولاعاد تتصل على هالرقم انا ماني فاضيه بس بعطيك رقم وحده وراح تشبك معاك قال اوكي ولما اخذ منها الرقم كلم البنت وقال لها ممكن نتعرف صوتك حلو وعاجبني وابغى اكون صديقك قالت له ياهلا وغلا اتشرف بمعرفتك المهم الولد استانس علشان اخيرا لقى وحده عطته وجه واخذ يعطي معاها وهي اخذت وعطت معاه وتعرفو على بعض اكثر وعقب شهر تقريبا من علاقتهم قالت له البنت انا ابغى اشوفك ياليت اشوفك الولد استانس من هالكلام وقال حتى انا بعد ودي اشوفك بس وين نتقابل البنت هنا ابتدى مشوار خطتها
والمسكين ماكان يدري انها مو طبيعيه.. قالت تعال للبيت الولد بدأ يستغرب وقال غريبه اشلون اجيك للبيت صعبة اخاف اهلك يشوفوني قالت لاتخاف ابوي مسافر عننا له فترة طويلة واخذ اخواني معاه على شان يشتغلون معاه وانا ماعندي غير امي وامي تروح من الساعه 6 المغرب لصديقاتها ولا ترجع الا اخر الليل تقدر تجيني الساعه 6 ونصف المغرب لان امي مو موجوده قال الولد اكيد ماراح تجي اخاف ترجع قالت البنت ياخي لاتخاف هذي امي وانا اعرفها من زمان على هالحاله لانها فعلا تروح لصديقاتها علشان اجتاع عندهم قال الولد اجتماع ايش قالت لاتحقق اجتماع وبس انت بتجي ولا براحتك قال خلاص الساعه 6 ونصف بالظبط انا عندك وعقب ماوصفت له البيت راح الولد للبنت بنفس الموعد ونفس الساعه ولما وصل البنت دق عليها وقال لها انا وصلت اشلون ادخل قالت له انت وينك قال انا برى في الشارع قدام البيت قالت له تشوف الغرفه اللي لون اللمبة احمر قال ايه قالت له ادخل الحوش وبتشوف سلم يوديك للغرفه على طول ارقى السلم وادخل الغرفه الولد بدأ يخاف من كلامها الغريب وسألها ليش النور الاحمر هذا قالت علشان جونا يصير رومنسي لاتناقش وادخل الغرفه بسرعه قبل احد يشوفك قال اوكي ولما دخل الولد الغرفه تقفل الباب على طول من غير احد يقفله وخاف وسمى بالرحمن وقالت له البنت وهي معطته ظهرها وكان عليها ثوب ابيض لاتتكلم علشان ماتزعج الجيران قال اوكيه وعقبها سألها ليش ماتوريني وجهك ابغى اشوفك قالت له اصبر علشان اتمكيجلك واتزين لك اشفيك مستعجل قال اوكيه ياعمري وبعد عشر ثواني طفت اللمبة الحمراء وصارت الغرفة عتمه ماكان يبين الا البنت الجنيه اللي صار هالولد ضحيه لها والتفتت عليه وقال شرايك بوجهي ياعمري انت الولد انصرع واغمى عليه لانه شاف شي مخيف الجبهه كانت مثلثه والعيون كانت حمر والانياب طويله وحاده والمسكين صار مايقدر يتكلم من هالموقف المهم قالت له البنت تذكر اللي كلمتها بالازعاج وقالت لك النمرة غلط ولعاد تتصل على هالرقم قال ايه اشفيها قالت له هذي كانت اختي وعقب ماسكرت منك التلفون طقها ابوي بالعصى وطبخلها قطو وماتت عقب ماكلت القطو وقبل ماتموت قالت قصو راس الولد اللي بيدق عليك لاني عطيته رقمك ياختي ياحبيبتي وقلت لها ولا يهمك وانا الحين لازم انفذ وصيتها وطلعت السكينه الحاده وقصت راس الولد المسكين اللي راح ضحيه للجنيه هذي هي واختها....
هذي نهاية القصه واتمنى انها تعجبكم..تحياتي.