حبيبي لاتزعل مني الله يخليك
لاتخليني أعيش بوحدتي أعاني
ياعمري أنا أبيع الكل وأشتريك
حبيبي ترى فراقك يجدد أحزاني
اعذرني لو في يوم قسيت عليك
أو تماديت في كلماتي والمعاني
ترى كل هذا من قلب يعزك ويغليك
من قلب يعتبرك أجمل الاماني
كيف يموت حب عاش فيني وفيك
ورسم في دنيتي فرحه وأغاني
أنت تامرني امر بس ابي أرضيك
أبيك تكون كل لحظات زماني
عيوني تبي تشوف عيونك وتبيك
تعال وشوف حبك وين وداني
اسأل النجوم كيف اسهر أحتريك
واسأل ليالي النوم فيها ما جفاني
قلبي يتمنى قربك وحبك ويرجيك
لو نسيتك عسى العمر ينساني
انا افديك ومن دم قلبي اعطيك
انت حبي الاول اللي ماله ثاني
يوم المنى تكون يديني بيديك
واسعد بقلبك لو من حنانه سقاني
تهتز فيني المشاعر لو جابوا طاريك
وتخنقني العبره لوطيفك ماجاني
كل مافيني يسألني عنك ويبيك
وغرامك اصبح غايت الروح وعنواني
مادري وش اوصف فيك أوأسميك
عجز عن وصف قلبك حتى لساني
أنت سنين عمري والقلب يحتريك
انت لي مطر تخضر به اغصاني
مكانك بداخل قلبي يصونك ويحميك
وانت بدمي وحبك يسري بشرياني
حاولت اخفي دموع صارت تبكيك
ماقدرت والزمن وقف ضدي وعصاني
ياعسى ربي يحفظك لي ويبقيك
لأنك أحسن هبه وهبها لي وعطاني



مع تحياتي
اسيرة الشوق