تويت
.
.
مدخل
لقتني عاشق كان إيتمنى للحشى قنديل
وراحت .. , خلفت طفل يصارع ظلمة أحزانه
ما نسيتك !
لو أحس إني نسيتك ..
مانسيتك !
لو أموت من القهر ألفين مره ..
مانسيتك ..
لو نسيت الناس والدنيا ونفسي ..
مانسيتك ..
توقعت البكى: دمع يغطي عورته منديل
وأثاري لمسة المنديل تنقص من علو شانه
تأملت المسار اللي بدت فيه الدموع تسيل
إلين إن زلزلت حصن الجفن من ركل بيبانه
دريت إن الحزن قام يتنكر في عباة الليل
على هيئة عجوز من بنات الفكر .. غيرانه
تريد من الحشى : بيت المواجع والقهر والويل
ولاتملك سوى ترديد جملة (( راحت فلانة ))
كانت " هنا "!
مابين أحزاني..وأنا..
جت ترمي الدنيا علي..
وتروح..
في ليلة " عناء "!!
كانت " هنا " ..
أحلف !!
وأقول إني مع الوقت ..
بأنساك .. ؟
الله ..
يسامحني !
على " حلف كاذب "
ما بقى !
يمكن يخلينا .. اصدقاء ..
أو يسمح لباقي مشاعرنا ..
بأحاسيس ولقاء !
يا كبر قدرك بقلبي .. ويا مسرعك !
لا تمشيت مع دمي .. وأشوفك تمر
يوم كنت تحكي لي .. كنت أبوس إصبعك ..
ويوم طال الكلام .. شوي قلت : أنتظر
لا رقيت لخدودك .. من يبي ينفعك !!
ما يرد الظلام .. الا طلوع الفجر
وط صوتك حبيبي .. لو أنا ماأسمعك
مابي أحد يشاركني .. بصوت القمر
مسك كتفي وهو يهمس ( تراني في غيابك صمت )
وحظني وأنفتح دفتر دموع من شهر مقري
نزعت إيده ونفضت اللي بلبسي من غبار وقمت
وخليت الذي يبكي ورى ظهري .. ورى ظهري
المسافة وضيق الوقت.. وأشواقنا!
والكلام..ووجيه المقبلين السمر
والسؤال الوحيد اللي من أعماقنا..
ودي أسأله قبل إن الدقايق تمر
القدر أو ظروفك..أيهم عاقنا؟!
قللي إن كان باقي لي بعذقك تمر
حسبي الله على اللي سبب فراقنا
ما رحم وقفة الذل وعيوني الحمر
ليلة السبت يا نايف تجر الكلام !
ما كأني حلفت أنسى الورق والقصيد
الله الله على جرحي .. وخل السلام
ودي احس بأحزان الهوى من جديد
داخلي سر ضايقني قبل لا أنام ..
يمكن إن بحت به أرجع " كأني سعيد "
راحت اللي تخايل لي حمامة سلام !
داست أحلامي البيضاء بقلب حديد
ليت الهوى .. خاف من ربه ولا جاني
ماكان أحس بهموم الناس مجتمعة !
أقيد شمعة سنة .. من عمر احزاني
وأعيش عمري .. تشب وتنطفي شمعة
لا صوت قادر يدف الحكي للساني
ولانيب أعرف أحرم إذني لا حكوا .. سمعه
كم لي وأنا لا أذكروه أعض بأسناني
ماودي اللغز الأول .. تكشفه رمعة!!
كنا هنا .. ليلة الجمعة .. و خلاني
واليوم أنا .. والفراق .. وليلة الجمعة
كلن جلس .. وإبتدا يكذب على الثاني
لين أكشفتني وانا أضحك (كذب) .. دمعة
وأسكت .. أخاف إيتنبه من تبلاني
وأمسح أثرها .. ويبقى بأصبعي .. لمعة
والوم نفسي .. وأنا اشوف إصبع الجاني
اللي جمع رفقته .. ثم صافحوا جمعه
يامكرهه من هوى .. ليته تعداني
ما كان قمت أشتكي .. والناس مجتمعة
تعليق