عدة وكلي شوق لتعويض فترة غيابي وان شالله اوفق في هذا الشي وهذي القصيده من جديدي

ودي اقول كلمه بس ماتزعلين
بس خايف تقولي يوم ماقلت لك

كل منهو حكا لك شي تصدقين
وياكثر ماندفعتي خلف مشتاق لك

صدقيني على طيبك تبي تندمين
يوم تصحين من غفله على مقتلك

بعدها من دموعك الثمن تدفعين
ومايواسيك في محنتك حتى هلك

لاتحبين تكفي حتى تتأكدين
من حقيقة شعوره وانه يبادلك

قلبك اللي احسه صار مثل الجنين
كل منهو يشيله في يدينه سلك

لاتطيعين نفسك حاولي تكذبين
اخذليهم قبل ما هالبشر تخذلك

واعديهم ولكن حاولي تخلفين
لين تدرين وش قدرك ووش منزلك

اغلطي بس لاتردين تتأسفين
حتى تدرين منهو صدق يتحملك

سايرهم ولكن لازم ان تحذرين
واضحكي لاسمعتي قول ياماجملك

لو يقولون وشبك انتي تعاندين
جاوبيهم (بكيفي ) للذي يسألك

غامري بالمحبه لين تتوصلين
شخص فيهم وفعلا يقدر يدللك

لو سمعتي جميل الحكي لاتصدقين
وش يدريك انه قصده يجاملك

الزمن شان اصلا فوق ماتصورين
وصعب تلقين منهو بالوفاء يعاملك

الحوش اصبحت تتربص بكل حين
ونادرا ماتحصل شخص يرتاحلك

يالحنونه انا ادري صعب تتغيرين
بس مابي يجي مخلوق ويبهذلك

قلت هذا الكلام ومابي تزعلين
بس هالوقت جاير والزمن مو إلك