تويت
موش غريبة_الجود والاجواد الجيدين دريبة
من جيل سابق جيل
طبايع هلنا_والجود طبع من منسل اللي نسلنا
من يوم مالمولى للحياة نزلنا_من ناس جيدين الطبع ليهم هيبة
عالجود والكرم نحنا كبر عيلنا_ وشوف عاد في عيل الجود حليبه
ثابتين عالدرب السوي_مازلنا_لجواد عمرهم مايعرفوا تشويبة
عصاره ومازال العصر منهلنا_حزنا اركان المجد صيبه صيبه
قدام ظلم مامره الريش سبلنا_قديش من عدو جانا ونال نصيبه
ودوم للفزع واتي قريب هللنا_ركابة اللي كيف الحرير سبيبه
كلام جبده طاري اجواد شغلنا_وكانو ضنا لجواد هم تسبيبه
مقصرين فالتوصيف مهما قلنا_فاصحاب العقول الراجحة اللبيبه
.........................................
الجود امبادي_وموش كل حد ايوصفوه اجوادي
لجواد عمرهم مايعزموا سقادي_تطامن معاهم ماتحس بغيبه
فراسين كسارت اخشوم عوادي_ايزيدوا مع شيل الحمول صليبه
.......................................
الاجواد جواد_اسماح العوايد نورت الميعاد
اللي يقسموا هم الغريب الزاد_ولاعمرهم يرضوا بدور عطيبه
لجواد غير طرواهم ايزيل نكاد_ويجلي الهم اللي طويل سريبه
تحتار في وصايفهم احروف الضاد_عليهم ايخيل القول في ترتيبه
جعنهم علي طول اسعاد_بعداد ما خلق من مزن واشابيبه
.................................................. ....................
بى قلم شهاب الروح
تعليق