تويت
مرحبا
-------------------------------------------------------------------------------
دى أول مشاركة لية فى الركن دة مع انى متابعاه من زمان أوى فا قررت انى أقدملكم أكلة لذيذة أوى و هى أوكرانية اصلا.. أنا ترجمتها من موقع اجنبى
المقادير (تكفى 4 أشخاص)
4 صدور فراخ
120 جرام زبدة بدرجة حرارة الغرفة
2 فص توم كبير مفروم
1 ملعقة كرات مفروم ناعم أو ممكن بقدونس حسب الرغبة
بيضتين
2 ملعقة لبن
1/3 كوب دقيق أبيض متبل بملح و فلفل
11/4كوب بقسماط مطحون
الطريقة:
1)أقطعى أى دهون موجودة على صدوى الفراخ, أفردى الصدور بداخل كيس بلاستيك و دقى عليها بأداه مثل يد الهون مثلا لحد ما سمكها يبقى نصف سنتيمتر تقريبا, خلى بالك من انها تتقطع عشان الحشو ميطلعش برة.
2)حطى الزبدة و الثوم فى طبق و اهرسيهم كويس بالشوكة و حطى الكرات و البقدونس عليها و بعدين قسمى الخليط 4 و شكلى كل جزء على شكل اسطوانى.
3)ابدئى بحشو صدور الفراخ زى الصورة و أقفلى الاطراف كويس أوىىى على الزبدة.
4) حطى صدور الفراخ فى طبق و سيبيهم فى التلاجة لمدة 30 دقيقة.
5) فى طبق عميق اخلطى البيض و اللبن, أغمسى الفراخ فى الدقيق ثم فى الببيض ثم فى البقسماط و بعدين فى البيض و البقسماط تانى علشان نتأكد ان الفراخ قفلت كويس.
6) و بعدين أقلى الكييف فى زيت نباتى لحد ما يبقى لونها دهبى, بتاخد حوالى 8 دقائق على نار هادية.
ممكن تقدم مع بطاطس أو مكرونة, أنا بفضلها سندويتش مع مايونيز و خيار مخلل بتبقى تحفة و باي
تعليق