لا تندهش لا بحت لك ذكرياتي .. شفتك حبيب وماغدر ببدوي شوف

ماحدٍ عرف قبلك حقيقة حياتي .. مكشوف شي وشي ماهوب مكشوف

كم هاجسٍ يولد ترده شفاتي .. ويموت ماهو لأقرب الناس معروف

لكن معك فجرت خافي سكاتي .. ملهوف اسولف وانت للسمع ملهوف

يا غالياً جمل وجودك حياتي .. وبالحب صرت لدمعتي صدر وكفوف

خذ دفتري!خذ بوح ذاتي لذاتي .. وأبصر بدمع بدم تاريخ وحروف

وهناك تفهم ليه اخالف وصاتي .. لا قلت دوس بمبدأك حاجز الخوف

خلك جبل في وجه الأيام عاتي .. وإحذر تكون إنسان والعالم سيوف

وهناك بس هناك سر أغنياتي .. حزني ضياعي حيرتي سيرة ظروف

وهناك تتفهم حنين إلتفاتي .. وتحس في معنى الوجع يوم وتروف