تويت
كون اتشوف
السلام عليكم
شلونكم اعضاء المنتدى
اليوم جبتلكم شعر شعبي عراقي
عفت كلشي ...وجبت كلشي
ومدري شلون اجيت امشي ..
اجيتك ردت اكلك شوف ...ردنه نعوف كلشي وماكدرنه نعوف
كون تشوف حالي شكد الك ملهوف ؟..
******
جبت كلشي اليسولف بيك
خيالي وصحوتي وطيوف
جبت دكات كلبي الكطعن بجفاك اسوف
جبت صفنات روحي
السودنت روحي .....
مثل جن بمسيه وعل يتيمه يحوف
كون تشوف ...........
بشفافي الحزن ماخله بسمه تعيش
وكلمن كمت ابوسه بخدي اطبع اوف
كون تشوف ..........دموع الجدم ماتدري وين تروح
والخطوات عميه
وتايه بلاشوف
كون تشوف ....
كون تشوف ..خلصت الوجوه وشفت كل الناس
كلها وجوه غربه ولا وجه معروف
وين الكاك يلموصوف
اليه أنه والك موصوف ؟...
يلفراكك غربه وكلشي مامألوف ...
انه بلياك مدري شبيه مابيه ..
زلف وبلايه ترجيه ...
درب مابيه كل جيه...
نهر فاض وتبع ميه
رجع بس مالكه اجروف
كون تشوف روحي شخله بيها الخوف
مطلوبه نذر وتخاف ...
ماتوصل حضرتك
من بعيد طوف
******
كون تشوف روحي شخله بيها الخوف
مثل دمم العروس الجايها اجناب
ويصبر عليهه
وجابها الزافوف ........
******
وشوف شخله بيه الخوف
مثل حلت مدارس
روحس احسهه اطفال
حلت وتركتني ...
وباقي بس صفوف
******
ويا وحشة صفوفي ومن يجي اليل
ويالون الوجه
بعدك ضل مخطوف
***
ويا قسوة ضنوني الماتريد تروح
وانه الصاير اسير
وبيدهن مجتوف
...
كون الكاك واشكيلك
على جروحي الكيت
الغشمه بيها تروف
وكون الكاك ابجيلك وسوي خدودي سبوره ودمعتي حروف
وكون الكاك واحجيلك
يكتاب السنين انحذف كلشي الجان
بس اسمك لكيته الباقي مامحذوف
واذكرك من مسحت دموعي
باخر يوم على خدودي
احس لهسه طبع اجفوف
******
وكون تشوف اعيوني مضيف تصير وكت النوم
وهلبت بلحلم
تجينه ضيوف
وكون تشوف حالي
شكد الك ملهوف
للشاعر الشعبي العراقي الكبير
جبار رشيد
تحياتي الكم
شلونكم اعضاء المنتدى
اليوم جبتلكم شعر شعبي عراقي
عفت كلشي ...وجبت كلشي
ومدري شلون اجيت امشي ..
اجيتك ردت اكلك شوف ...ردنه نعوف كلشي وماكدرنه نعوف
كون تشوف حالي شكد الك ملهوف ؟..
******
جبت كلشي اليسولف بيك
خيالي وصحوتي وطيوف
جبت دكات كلبي الكطعن بجفاك اسوف
جبت صفنات روحي
السودنت روحي .....
مثل جن بمسيه وعل يتيمه يحوف
كون تشوف ...........
بشفافي الحزن ماخله بسمه تعيش
وكلمن كمت ابوسه بخدي اطبع اوف
كون تشوف ..........دموع الجدم ماتدري وين تروح
والخطوات عميه
وتايه بلاشوف
كون تشوف ....
كون تشوف ..خلصت الوجوه وشفت كل الناس
كلها وجوه غربه ولا وجه معروف
وين الكاك يلموصوف
اليه أنه والك موصوف ؟...
يلفراكك غربه وكلشي مامألوف ...
انه بلياك مدري شبيه مابيه ..
زلف وبلايه ترجيه ...
درب مابيه كل جيه...
نهر فاض وتبع ميه
رجع بس مالكه اجروف
كون تشوف روحي شخله بيها الخوف
مطلوبه نذر وتخاف ...
ماتوصل حضرتك
من بعيد طوف
******
كون تشوف روحي شخله بيها الخوف
مثل دمم العروس الجايها اجناب
ويصبر عليهه
وجابها الزافوف ........
******
وشوف شخله بيه الخوف
مثل حلت مدارس
روحس احسهه اطفال
حلت وتركتني ...
وباقي بس صفوف
******
ويا وحشة صفوفي ومن يجي اليل
ويالون الوجه
بعدك ضل مخطوف
***
ويا قسوة ضنوني الماتريد تروح
وانه الصاير اسير
وبيدهن مجتوف
...
كون الكاك واشكيلك
على جروحي الكيت
الغشمه بيها تروف
وكون الكاك ابجيلك وسوي خدودي سبوره ودمعتي حروف
وكون الكاك واحجيلك
يكتاب السنين انحذف كلشي الجان
بس اسمك لكيته الباقي مامحذوف
واذكرك من مسحت دموعي
باخر يوم على خدودي
احس لهسه طبع اجفوف
******
وكون تشوف اعيوني مضيف تصير وكت النوم
وهلبت بلحلم
تجينه ضيوف
وكون تشوف حالي
شكد الك ملهوف
للشاعر الشعبي العراقي الكبير
جبار رشيد
تحياتي الكم
تعليق