السلام عليكم
طريقة القدرة على طريقة اهل غزة
المقادير
نص كيلو رز ياسمين
ربع دجاجة
نص ملعقة عصفر ، كركم ، دقه ......... نفس الكلمة يعني
ملعقة بهار
نص ملعقة فلفل اسود مطحون
ملعقة سمنة
بصلة وسط
3 دروس ثوم او 5
زيت قلي القليل منه
مرقه الدجاجة

ملاحظة قبل الطبخ :
اذا نص كيلو الرز كفى صحن من الصحون اللي عندك
المرقة لازم تكون صحن ونص من الصحن هادا
علشان الرز يطلع مش بيسلم على بعضه وضارب صحبة كمان



الطريقة
اول شي بتكوني طابخة الدجاج
تاني شي يا ست البيت بتجيبي البصلة وبتقطعيها قطع طويلة شرايح يعني 8 شرايح
وبتقليهم بزيت القلي مع الثوم وخليهم يطروا شوي وبدون ما يصير لونهم احمر

تالت شي يا ستي
بعد ما يستوي البصل والثوم
بتجيبي المرقه وبتحطيها على البصل وبتخليه يغلي معه شوي

بعدين بتحطي الرز والبهارات والفلفل والكركم عليه

ولمن تشوفيه غلى بسرعه غطي الرز ووطي النار من المنظم اللي بالجرة واذا ما بتعرفي خلي زوجك
وبتجطي الجاجة كمان في الوسط

ولمن تشوفيه قرب يستوي اطفي الغاز وخليه ينهي الاستويان مع البخار الصاعد
وبعد ما تشوفيه استوى عالاخر
حطي عليه ملعقة السمنة


وبالصحة والعافية

والله جعت وانا بكتب جيبولي صحن صغير