معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

2)قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

3)عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليه

4)احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه

5)وكع كلبي بغرامك ماتشيله
وجرح شوك البيه ماتشيله
اخابر وأنته تسمع ماتشيله
ولك هالروح ماتحمل أذيه

6)حبيتك واصبحت ابغير .. عالم
ورب العرش يشهدلي .. وعالم
طالب اني عندك وانت .. عالم
تشرحلي وترد تمتحن بيه

7)نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه

حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحك علية

9)يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)

10)هام العكل من شوكك وجن بيك
وشبيه الكمر من يضون وجن بيك
ابوسك لو يحبسوني وجن بيك
أوامر من وزير الداخليه

11)غرف رمان بخدوده غرف تين
ويريت اغرفلي من حسنا غرفتين
داجر مشتمل كلبي غرفتين
والايجار بوسه بكل مسيه

12)عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

13)ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه

14)روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

15)اخذ كلبي حلالك وانتحر بيه
اخذ دمي وشرايني وانت حر بيه
سم بالماي احطنك وانتحر بيه
ولا غيرك يمس اصبع من اديه

16)حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا

17)شوفني الفراك نجوم ظهري
وكمت للشيبة اكلهابساع ظهري
ردتك يابني انته حزام ظهري
ترد العيلة لوصارت عليه

1اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه

19)انه بحبك ابد مايوم غشيت
وعن كل البنات النظر غشيت
كعدت يمه وعليه بسكوت غشيت
وكف صاح المدرس غش عليه

20)على مودك عفت ربعي وناسي
واسد بحلوك شماتي وناسي
اذا عني غفل كلبك وناسيانه بطرواك لسه وتدري بيه

تحياتي