صح الشمالي صدره اوسع من الكون
بس انتبه لاضاق صدر الشمالي




وصح انك الغالي وانافيك مجنون
بس انت ماقدرت من قال غالي
خيبت هقواتن كثيرات وضنون
واخلفت ماكان بخيالي وبالي
وخليت كل الناس عني يقولون
مسكين يمشي بالهوى دون والي
والناس ناس واكثر الخلق يدرون
باللي معك صاير وماقدمضالي
كم قلت لك لاتفعل اللي يسوون
خللك معي مخلص باول وتالي
كم قلت لك اترك هل الهرج يحكون
وارفع مقام الحب دايم بعالي
ان الهوى مبدى وحكمه وقانون
شي كبير وشي شين مثالي
اللخ لوتدري لياغبت وشلون
حالي ليامن غبت وشلون حالي
لارحت ضلعي من عنا البعدمحزون
حتى منامي لاحشى ماهنالي
وان جيتني دمي وروحي يغنون
دبكة غلامن بعدطول انشغالي
واليوم ماني فيك مغرم ومفتون
اليوم انافي غيبتك صرت سالي
مالك ومالي منت للخافق تمون
وان قلت ليه اقول مالك ومالي
واكيدلك رجعه وانا اكيدباكون
احرقت صفحاتك ولالك توالي
وبسمعك احلام لاجرت لحون
وش ذكرك حبن طوته الليالي
نعم طويتك والغلامات مطعون
حتى خيالك بقتله لاطرالي
ملعون ابوقلبي اذاجاك ملعون
وانامعرب من عمام وخوالي
اناشمالي صدري اوسع من الكون
بس انت ماخليت صدري شمالي


منقووول