الصراحه قصيده عجبتني وهي للشاعر/ سلطان المسلم وحبيت اقول لكم قصتها

كان في واحد يحب وحده حيل وبينهم قصة حب بس لما صار ما في مجال يكملون مع بعض لانه قصة حبهم مستحيل تكتمل لظروف اقوى منه ومنها .. وشاف ان البنت متعلقه فيه وقاعده تظيع على عمرها فرص ثانيه بالسعاده مع واحد احسن منه .. قام ومثل عليها انه يخونها عشان تكرهه وفعلا البنت صدقت انه خانها ومرت الايام والسنين والايام لعبت لعبتها وتلاقى اهو وياها في لندن وشافها مع واحد ثاني وكلكم تدرون شنو نوع المشاعر الي حس فيها وكتب هالقصيده

** بخونك **

حبيبتي اسمحي لي بخونك من غلاك
اكرهيني واتركيني وقتليني يا ملاك
لا صار في موتي حياتك من اكون
اجرحيني واهجريني بس اخون
ادري طريقي صعب
وادري فراقك صعب
حتى رجوعي صعب
ما به حلول,, لكن بقول
اتعذبي يوم,, ويمكن شهر
وانسي السهر وانسي القهر,, وانسيني


******* * *


عيشي حياتك كلها
بحلوها ومرها
يمكن تلاقيك حبيب
يصير لجروحك طبيب
وترجع فرحتك ثاني
وتنسى الحب وتنساني
وتترك ديرة احزاني
واشوفك في ليالي الصيف
تمر جنبي كأني طيف
واشوفك مع حبيب ثاني
اشوف بعيونك الفرحة
وحزني شوة اجفاني
وقلبك انبرى جرحه
وقلبي انجرح ثاني
جلست اذكر امانينا
ودمعي حرق اوجاني
وتذبحني اغانينا
وهي جنبي مع ثاني
تضم ايدينها بيده
كأن اليوم ذا عيده
وانا يدي على خدي
وهمي والزمن ضدي
وجتني بنظرة الشفقان
تسأل ليه ذا الاحزان
وبيدها تمسح دموعي
واطفة وقتها شموعي
وستأل من تكون انت
وردي صار بعيوني
شفاتي تكتم العبرة
وجهي اظهر حزوني
انا ضحيت من قلبي
وحبي سبة جنوني
رضيت الموت لي وحدي
وتحيا دامها عيوني
بديت بقصتي ابكي
وتبكي من بكى روحي
وقالت قصتك عكسي
حبيبي سبة اجروحي
يخون وعني ما يدري
ولا همه كثر نوحي
تركني مكتفي بغدري
ندهته وكنه ما يوحي


**** * *


مشيت دومعتي تبكي
وقلبي سجنه ضلوعي
يبي يصرخ يبي يحكي
وباسي صار في طوعي
رضيت بحكمها القاسي
رضيت السم في كاسي
رسالة حبرها احساسي
احبك لو تكون ناسي


لسماع القصيده بصوت الشاعر اضغط على الرابط

http://www.al7an.com/sh3ra/sultan-almslm/b5onk.ram