تويت
ضحكت عيوني وقلت ياعساها تساهيل
اليوم من قدها كفاح امرأة وياهناها
شوفت ضنيني بخير مايبيلها أي تعليل
ويوم ابتلاها الله استجاب منها دعاها
هذي حياتي عشتها من غير تأويل
أمشيها ودموعي ما سأل من وراها
ماهمني من أرخصني وأطلق الأقاويل
تتالت الأقدار وأنا بقيت القمره بعلاها
قوية باس لانويت ولاهي كثرة تهاويل
وما هزني غير حبيب روحي ومناها
اسمع كلام الحب من دون أي تماثيل
واقفل للردي أي سكة بدربي حداها
أعيش دفى الوقت ودقات اخر الليل
مع براءة مزينة حياتي بكامل غلاها
صوبتني نظرات عيون بالعطا مناهيل
وبالشرع عشت معها الحياة وهناها
هزة الشوق دوخة القلوب المعاليل
وأنا حبك بأول العمر روحي براها
علمتني لاحبيت امتد كني السيل
ولاكرهت ابعد النسمة عن سماها
وعلمتني ان اليوم بس نهار وليل
ولا أناظر الشمس في حزت ضحاها
وابعد عن كل منقود وضوح سهيل
ولا اصدق الكذبة ولا اطرد وراها
الله يجزاك يامعلمي يافارس الخيل
بدار الخلد وعسى ماخاب من رجاها
انهج وصاتك ولو هي كثرة الأقاويل
عهدا علي تبقى في روحي لمنتهاها
كفاح امرأة
تعليق