(( حسبي عليك ))




حسبي عليك ش غيّرك حسبي عليك ش حَل فيك


لوّل تناديني عشق و اليوم تبعدني بعيد


وش غيّرك فجأة علي من هو جنى و أثّر عليك ؟


من هو تسبّب في جفاك هل في حياتك من جديد؟


قل لي ولا تشفق علي قل لي ولا بزعل عليك


و إن كان ما تقدر تقول معاك صندوق البريد


إن كان هذا اللي جرى صدق و تبيّن لك شريك


الله يهنّيك بهواك و أطلب لك العمر السعيد


ما ني أسير العاطفة و ماني أسيرن في يديك


برحل و أنا كلي وفا برحل و لك خبرن أكيد


لا تنتظر منّي رجاء عاند مع الوقت و يجيك


لا بد لك يوم و تشوف من في النهاية مستفيد


ضيّعت وقتي في رجاك باحساس صادق مشتريك


جرّعتني مر الزمن حكمك على ظلمي شديد


أبسألك من علمك تقسى على من هو يبيك؟


الحب يالجارح وفاء ما هو على ما أنته تريد