كثر ما عشت أنا الفرحه بقربك وأضحكتلي عين

وكثر ما عشت متهني وكثر ما ابتسمت اشفاتي



وكثر ما قلت أنا أحبك وكثر ما يجتمع قلبين
ألاقي وقتي من دونك جمع همومي ومعاناتي


غدا وقتي مثل ليل طويل مانتهى للحين
سواده امتلى بصدري وسالت منه دمعاتي


أنا من يوم ما غبتي وربي ما غفت لي عين
طغى همي على عيوني ولعب في حسبتي وذاتي


وأنا من غبتي عن عيني وتلعب بي هموم البين
وتاهت خطوتي بعدك وتاهت بي مساراتي


وأنا وشلون أصور ما مضى وياك في سطرين
وست شهور يا قلبي تغني فيك أبياتي


قضيت شهور يا روحي معاكي كنها يومين
فداها سنين من عمري وفداها كل لحظاتي


ألا يا حبي الطاهر ابيكي دائما تدرين
بأن طاريك إذا مرني رفع لي معنوياتي


حياتي يا بعد عمر القصيد وخاطر الغالين
أنا لخاطر عيونك بس اضحي بكل رغباتي


أضيع ليا طروا إسمك ولو جابوه غلطانين
وأنا لا ضعت من حبك عساها دوم ضيعاتي


وحبك من سكن قلبي أحسه في حياتي دين
لأني بس من شوفك أحقق كل طموحاتي


ترى من قبل لاشوفك لعبت بحسبة الباقين
وترى محد درى بقلبي ولا يدري بغاياتي


وترى ياما قضيت الحب ولا أدري طريقي وين
وأشوف اللي تعلق بي يضيع بصمتي واسكاتي


وجيتي اليوم يا ذوقي ورتبتي خفوقي زين
وأنا من لمست كفوفك رسمت احلى بداياتي


أحسك وردة الدنيا وكل ذولا البشر من طين
وأخاف إني أعبر لك وتخذلني عباراتي




وأنا

في

خاطري

كلمة

ترى

باقولها

وتكفي ن


أبيكي تفهميها زين وأبي تصغين للأتي :


حشا مهما كتبت من القصايد والشعر تبقين
بأنك أحلى من كل القصايد يا بعد ذاتي




وسلامتكم