البارحه حلوى الكرى فارق العين
............قام يتهامل من عيوني مطرها
هلت عيوني دمعها فوق خدين
........ ... اسباب دمع العين زايد ندمها
احساس بو سليمان زود بي البين
,,,,,,,,,,,,,,,, ضاقت علي الارض برها وبحرها
اللي عريب الجد والخال نعمين
.................. اللي عن الانذال رجله قصرها
شبل الاسد مجناه ربعٍ حشيمين
.............. ربع تقلط حيل وافي شحمها
ياشوق من قرنه على المتن سافين
.............. ريم عن القناص عجل حذرها
تستاهل الشيمه على الراس والعين
,,,,,,,,,,,,,, حيث الصداقه فيك باجمل صورها
عبدالله اسمح لي اجاوب بحرفين
.............. وابدى حوالٍ غيركم ماسبرها
يافزعتي بساعه العسر واللين
...................... نفسي يابو سليمان كملت عبرها
والخاتمه صلوا معي يامصلين
.................... على نبي الخلق عرب وعجمها
صلو عليه وسلموا يامحبين
..................... عدد الشجر واعداد وابل مطرها