ياصاحبي وشبك تماديت باصرار
ومات الضمير بداخلك صرت مهدود
ضيعت حق النفس والخل مختار
وسرت بطريق نهاية الامر مسدود
بنيت صرح اوهام والوهم ينهار
والعمر يمشي وكل شي له حدود
وانا بغيت اسندك واهديك الاشوار
وجهدي بذلته بس ماتقل موجود
كلش خساره واضحه بالذي صار
وإلا انت...... ما صابك اليوم محدود
حاسب وقف انتبه ... الاخطار
حاول تفكر يازين يافلان وتعود
ماعاد لك حجه من اليوم واعذار
لا تجازي المخلص بهجران وصدود
لو درت بالعالم ولفيت الاقطار
مالك رفيق بكل غالي لك يجود
مثلي يقدم لك تضحيات إكبار
ورغم انها تبذل ولافيه مردود
أقبل على الوافي ترى شين الادبار
وبعض الوفا عندي ولو قل محمود
خلك معي صامل لك السعد نختار
بامر الولي حيثك من الروح معدود
وختامها ارجوه علام الاسرار
يهديك بدربك يمشيك بركود