تويت
اترككم مع القصه سالفة العريس اللي نسى زوجته
هذا واحد توه معرس وخلصت الزفه والأمور اللي في القصر.. أخينا في الله شغل ( يعني أخذ ) حرمته وركبوا في السياره .. ودعس للقصيم يعني أهل العروسه في الرياض وهو ساكن بالقصيم والبنيه تستحي ومبرطمه طول الطريق .. والرجال ماغير يسولف ويهذر والبنيه ساكته .. ما حولك احد
الرجال يأس من البنت إنها تتكلم .. وقال يا ولد ما وراها هذرره أشغل المسجل وأمسك الخط في الوقت نفسه البنت كانت حسرانه ومتوهقه أنها بس تتكلم عشان تقوله أبي الحمام الله يكرمكم عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه
المهم الرجال ما وعى إلا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك
البنت على نزلت زوجها إلا وتقز هذيك الحمامات حقت الحريم إلي عند المسجد الي جنب البقاله قالت يابنت بيمديني أطمر وأخلص وأرجع قبل لا يرجع هو من البقاله المهم المسكينه راحت وأخذت وقتها
أخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعس
البنيه المسيكينه طلعت وهي مرتاحه و نقص من وزنها كم من كيلووووو وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع
شوي ما وعت الا ذ1ك الجمس اللي مقبل يوم وقفوا عند البقاله الي جنبها وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها قالت قومي اطمري نلحق على زوجك ويعبون بنزين ويدعسون وراه
نعود الان لصاحب الفصفص اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويافشيلة اذا انطقينا والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع نورا لجمس اللي في الداخل عشان العريس يشوف ان اللي في الجمس عائله وأخيرا .. انتبه و يوقف ... قال وش عنده ذا
ونزل وهو معصب عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه
قال يا ولد مرتك لقيناها عند المحطه انا واهلي وقالت لنا انها نزلت للحمام وانت مشيت ولا دريت عنها عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلا طسي عند زوجك شوفيه متصوووومع عليك المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق ..
منقوووووووووووووووول
تحياتي
هذا واحد توه معرس وخلصت الزفه والأمور اللي في القصر.. أخينا في الله شغل ( يعني أخذ ) حرمته وركبوا في السياره .. ودعس للقصيم يعني أهل العروسه في الرياض وهو ساكن بالقصيم والبنيه تستحي ومبرطمه طول الطريق .. والرجال ماغير يسولف ويهذر والبنيه ساكته .. ما حولك احد
الرجال يأس من البنت إنها تتكلم .. وقال يا ولد ما وراها هذرره أشغل المسجل وأمسك الخط في الوقت نفسه البنت كانت حسرانه ومتوهقه أنها بس تتكلم عشان تقوله أبي الحمام الله يكرمكم عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه
المهم الرجال ما وعى إلا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك
البنت على نزلت زوجها إلا وتقز هذيك الحمامات حقت الحريم إلي عند المسجد الي جنب البقاله قالت يابنت بيمديني أطمر وأخلص وأرجع قبل لا يرجع هو من البقاله المهم المسكينه راحت وأخذت وقتها
أخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعس
البنيه المسيكينه طلعت وهي مرتاحه و نقص من وزنها كم من كيلووووو وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع
شوي ما وعت الا ذ1ك الجمس اللي مقبل يوم وقفوا عند البقاله الي جنبها وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها قالت قومي اطمري نلحق على زوجك ويعبون بنزين ويدعسون وراه
نعود الان لصاحب الفصفص اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويافشيلة اذا انطقينا والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع نورا لجمس اللي في الداخل عشان العريس يشوف ان اللي في الجمس عائله وأخيرا .. انتبه و يوقف ... قال وش عنده ذا
ونزل وهو معصب عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه
قال يا ولد مرتك لقيناها عند المحطه انا واهلي وقالت لنا انها نزلت للحمام وانت مشيت ولا دريت عنها عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلا طسي عند زوجك شوفيه متصوووومع عليك المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق ..
منقوووووووووووووووول
تحياتي
تعليق