تويت
أجي كني مباسم والفرح طفل يتمتم هات
من اول ما لمحته جيت باشواقي وضميته
تركني حرفي المتعب بكا واذكر أنا اللي مات
بكيته لين ما اخضرت يباس حروف ياليته
حبيبي ليه تبغاني أعيش العمر في حسرات
حبيبي شوف عين الجرح رمدا يوم خليته
حبيبي الى متى ساكت وعشقي ما يعرف سكات
تكلم كل عطرك في الرسايل أمس شميته
تصدق مرني طيفك يداعبني وانا اشتات
تجاهلته بزعم أني ابا جافي ولميته
تخيلتك تسولف لي وثاريني بليا شفات
احاول أشرح الشوق الذي في الجوف كنيته
سألته عنك بصمتي الين الوقت كله فات
يرددها المكان اللي جمعنا كم تمنيته
أسولف للصور قصة غيابك وانتثر دمعات
ادق باب ألصبر كلت متون الشوق ناديته
وتتثاوب على جدران عمري اخر الساعات
وانا أسأل هالزمن وابكي أمانه وين وديته
جثيت بعزة أشواقي ولا عندي سوى كلمات
حبيبي راح يرجعلي تصدقني ترجيته
يناظر ساعته يضحك تخيلت الاماني جات
فتح درج الفراق اللي بصدري يوم حاكيته
من أكثر من شهر وانته تسولف والحكي مابات
من اكثر من شهر وانته تركت الدمع في بيته
تركني حشرجه غصه الم حرقة بكا ونات
تركني شي مايذكر ولا ادري ويش سميته
انا والدمع واشواقي على صدر الشعر اموات
ولا باقي من احساسي سوى شاعر وانا بيته
من قراتي
لكم اجمل المنى
تعليق