تويت
واهداء خاص لمن فارقني
ياليتني ماجيت في عالم النت
******* في عالمٍ كله دعايه وأكاذيب
في عالمٍ يبغاك قاسي ..ولو لنت
***** بتذوق من جمره سموم ولواهيب
لاهنت ياجرحٍ لفا اليووم لاهنت
**** جرحٍ عطيب ولاهقيت انه يطيب
من واحدٍ في العين انا شايله كنت
***** وان شفته اقبل زدت له بالتراحيب
وأنا احسبني وسط قلبه تمكّنت
***** وأثره خدعني بالحكي والألاعيب
خسران يابايع مشاعرك بالسنت
***** عيب عليك ورب من صوّرك عيب
تعال لحظة بسألك أنت. ويش انت ؟؟
***** حتى تنزل روس عكف الأشانيب
يابنت انا مانزّل الراس يابنت
****** شوفيه من كثر التجارب غدا شيب
وأنا أدري انك من فراقي تلوّنت
***** واثق واعرفك دون شكٍ ولا ريب
تعليق