تويت
وش فيك مستغرب لاني ابنيه
الشعر نبته .. نابته فيني انبات
خذ هذي الابيات مني عطية
اتذكرك باللي مضى من خسارات
أدميت قلبي بين سية .. وسية
وجفني غدا ساهر له أيام ما بات
حبي لجنابك كان أكبر خطية
أدمى عروق القلب جرح وعلات
ماتت معاني الشوق والذوق فيه
وجفني تعود يحتضن دوم عبرات
أنا صنعت جروح قلبي بديه
زادت هموم القلب بالصدر اهات
عزي لمن قفى ، مفارق خوية
يحسب خوية من بعد فرقته مات
لو ينتظر لحظه ويسمع شوية
ما ينفعه غدره.. ترى فات ما فات
هذي حقيقة ما تبي عبقرية
من عاش بالحيله ترى موتته جات
يحسب جنابه يوم يكذب عليه
اني أصدق كذبته بخوف وسكات
وقت المهانه راح بالجاهلية
وبعزة الاسلام صرنا عزيزات
طبعي أنا يا هيه طبع أميرية
ما طارد المقفي ولا أقول له هات
وطبعك أنا بالكون ما شفت زيه
كاذب ... لعوب ... وزادهم ...حب للذات
قلت بغرور ... وقمة العنجهية
انتي بدوني ما تعيشين لحظات
ما تدري ان افراقك أجمل هدية
كنت انتظرها ... تنهي أطول معانات
أختكم /
دلول
تعليق