السلام عليكم ورحمة الله وبركاته

عندي قصيده منقوله وودي اني اسمعكم هالقصيده وقصتها باختصار :


انه في بنت حظريه رايحه للبر مع السايق ( دريول ) وضيع السايق دربه

وهي عصبت عليه وهاوشته ( اشوى انها مو بدويه والا كان طاقته ومكمخته )

ولقت لها بدوي وهي طبعا كاشفه وجهها واسالته عن طريقها اللي تبيه

ودلها على طريقها اخو النشامى ماقصر عز الله وهذي هي القصيده ,,,

( قصيده بين بدوي وحضريه )





الحضريه:
قلنا سلام الله يا راعي الرعيه ** وين الطريق اللي تودي للبلد

معنا غشيم ما عرف قيمة خويه ** ضيعه بقفار ما فيها أحد


البدوي:
يا هلا ويا مرحبا بالنرجسيه ** أقلطي فالدار دارك والولد

ذيك خيمتنا ولا أنتي بالخليه ** ولك أمان الله في يوم الأحد


الحضريه:
ما لنا مجلاس يا رجل الحميه ** مثلنا لا غاب لحظه يفتقد

غير ذالهندي عساه اليوم حيه ** لا عرف درب ولا هو اللي نشد



البدوي:
إن جلستوا مرحبا ضيوف عليه ** وإن تعذرتوا معك طير السعد

ما يجوز الغصب لك وأنتي بنيه ** لاكن العوده ولازم من وعد

الحضريه:
إن عطاني الله عمر ولي بقيه ** لازم أرجع مع هلي لك يوم غد

وإن تفارقنا تذكرك المطيه ** وجعل يخلفنا على ديارك رعد


البدوي:
ليتني هندي معك يا الغشمريه ** وإن ذا الهندي في المفلا قعد

ليتني وياك نرعى بالرعيه ** أو ليت قلبي خبل لا رحتي هجد


الحضريه:
الله يخليك ما ني ببدويه ** ما نقصني يا ولد هم ونكد

دلنا على الخط دام الشمس حيه ** لا دنانا الليل ذالهندي رقد


البدوي:
ذاك دربك من ورا ذيك الحويه ** وأستري وجهك ولا تبديه أبد

وأن بغيتي تحطبي مالك لويه ** أجعلي بيديك حبل من مسد



وتقبلوو مني كل تحيه واحترام اختكم :حساسه



حاولت أن أفكر في توقيع خاص..لكنني !!
وضعت يدي على فمي وكسّرت القلم !!
أأصنع توقيعاً من حبر في حين يصنع أطفال الأقصى تواقيع من دمائهم ..!!