تويت
تدللي يالغالية وامريني
تدللي يالغالية ......... وامريني
شورك على عيني وامرك على الراس
هديتك قلبي وروحي وعيني
هديتك همسات واشواق حساس
يا الغالية كلي عشانك خذيني
بس اكشفي عن بسمتك واترك الناس
أنتي لي الماضي وباقي سنيني
وانتي لي الأفراح في وقت الأتعاس
جيتك من الغربة اسابق حنيني
جيتك أدور حب ؟ هايم بلاقياس
جيتك شتات انسان من كل فيني
جيتك فرح فاحزان وامال فاتعاس
عطيني الفرحة دخيلك عطيني
يكفي عروق القلب في البعد يباس
اتخيلك في كل لحظه تجيني
وأسرح معك فالحب والناس جلاس
يالغالية لو تعرفي تعذرييني
انا شربت المر في بعدك اجناس
بس امري تدللي ....... امريني
شورك على عيني وامرك على الراس
.
.
للشاعر/حمدان
تعليق