تويت
يندثر حبك على مر السنين
و تنقشين اسمي على رووس الجبال
لا حكمتي ما عرفتي تنصفين
صوت عدلك ينكر العدل المحال
لك خفوق من قسا عيا يلين
لين صار الود لك صعب المنال
إن ذكرتي كل قصدك تجرحين
و إن نويت الهجر تطرين الوصال
كل وقتك لا صدقتي تكذبين
صار كذبك للوفا كنه ظلال
من عرفتك توعدين و تخلفين
ما حفظتي العهد لو نلتي منال
برقك اللي لا عصفتي ترعدين
زلزلت أرضك وزول الزول زال
إن ندهتك ما رضيتي لي تجين
وإن زهلتك كذب دمع العين سال
و إن لفيتك عكس رحتي تعكسين
وإن عكست العكس عكسك لايزال
لوسألتك ما عرفتي تنصتين
و لو أجاوب مالقيتي لك سؤال
علميني بالمحبه وش تبين
دام مالك بالمحبه ايات بال
يوم أنا غرقان جيتي تنجدين
و من رداة الحظ قطعتي الحبال
دمت وافي ما حسبتك تجحدين
واثر صدك لا سهرت الليل طال
إن نهرتي صعب والله تردعين
و إن نهرنا نردع ونكسر رجال
ما أبي منكي رد ولا أبي تكتبين
يكفي إنك ترسمين أحلى خيال
كل بنت قاسيه صعب تلين
و لو يلين الصخر ما لانت منال
صرت في ايدنك ترى مثل الرهين
تامرين و لا تركتي لي مجال
كيف أشوفك لا لفيتي ترجعين
يا عسا عمرك يطول بضيق بال
من عرفتك طول عمرك تشتكين
ما يعجبك لو أسوي الإستحال
مدري كيف ارضيك قولي وش تبين
في سكوتك غيض يابنت الحلال
ما تبين أصرخ بكل العالمين
وأطلع بإسمك على رجوم طوال
أشهد إنك خاسره دنيا ودين
تنقصين وتحسبين إنه كمال
ليه صرتي في هواكي تلعبين
تخسريني لو نويت الإنفصال
ماحسبتك تزعلين وتحقدين
لين غطا الحقد ضعفين المجال
قلتها لك تزعلين و تقعدين
مثل حامد و أختم أطراف الجدال
مايفيدك لو أشوفك تضحكين
أدري إن السم في قلبك يكال
انقلب عزك ردى ذل وحزين
يوم أنا عنك نويت الإرتحال
ما يفيدك لو لفيتي ترجعين
ضاع حبك و ابني قصور الرمال
تعرفيني يا منال وتندمين
وتذكرين الوقت وأيام الدلال
وتذكر الأيام زلات السنين
و أذكر إنك غاليه زلة منال
منقول
تعليق