تويت
أنا مثلك بحر لكن .. وسط نفسي أنا غرقان !!
،
،
أنا يا بحر ما جيتك فضى ولمشاهدك شفقان
أنا جيتك أبنسى اليأس وبعض همٍ يباريني
على جالك أنا جالس أسامر موجك الغضبان
أسولف له، عن أوجاعي وعناي وغربة سنيني
علامك يا بحر غاضب .؟ علامك تصرخ بكتمان
أنا جيتك أبشكي لك، وأبي منك، تواسيني
أنا مثلك بحر لكن وسط نفسي أنا غرقان
تعبت أبحر مع نفسي وأسألها أنا ويني
أنا محتار في وضعي ومع نفسي أنا حيران
أنا لا قادر أفهمها وهي تجهل مضاميني
أنا مليت من حزني وتعبت أبحث عن السلوان
ولا ضنيت به شيء عن أحزاني يسليني
أحس أن الحزن عالم بحور وصحره، ووديان
وتخيل يا بحر حجمه إذا كله سكن فيني
وتصور لو شقا الدنيا تجّمع في كيان إنسان
وتصدق ما بقى بالكون أسى ما بات في عيني
ترى كل الحزن لو غاب وراح لاخر الأوطان
يغيب ويرتحل لحظات ويرجع يستقر فيني
أنا اخر فصول الحزن وأنا لدربه العنوان
وأنا اخر عزوفاته وأصواته تغنيني
أنا والليل والغربة تعانقنا مثل اخوان
ل ليلي كل اهاتي ول الغربة عناويني
تعبت أسقي ثرى أحلامي وأزرع بالوهم بستان
تعبت ولا نبت زرعي تعبت جفت بساتيني
جحدني حظي العاثر رماني بسكة الحرمان
جحدني ولا قدر مره، على الفرحة يرسيني
ألا يا بحر جاوبني وش اخر هذي الأحزان
وش اخر رحلة أوجاعي وعناي وغربة سنيني
،
،
دمتم بود ومحبه //
MaLaK Al-RoOo7
منقووووول
تعليق