وش أخباري ؟!
على حطة يدك
من اخر ما سمعت اسمي من شفاتك
ولبّيتك ..
شرغت ب "هاه"
يا لبا عروقك وضحكاتك ؟!

غريبه !!
ترا توي انتبهت اني من البارح
وانا ماني معي ؟!
سارح !!
احس ان البشر حولي مجرد ناس
و "احس" <=== هذي بليا احساس!!

اووف!!
تعال وخذ عيوني واعطني شوف
حفظت الدروب اللي نهايتها عيونك
ونسيت اضحك
نسيت افرح
ونسيت احلم
وش اللي بذكره يا بعد عمري بدونك ؟!


من ليلة أول ما تلاقينا
بلا موعد ..
رسمنا للوعد مركب
وللمركب بحر وامواج
وهاج الشوق..فينا هاج
وجدفنا بأغانينا
واخذنا برحلة ه اللقا
حلمٍ تثرثر به امانينا
رسمنا كل هالدنيا حوالينا
.
.
ونسينا نرسم المينا!!
على طاري الفراق اللي كتبته عنك بأشعاري؟!
وش اخباري؟!
الين اليوم تتخيل لقانا كيف؟!
انا رتبت كل اللي بقول وكيف ..
جلست احسب سنيني
م بين الشوق والذكرى
وراحت الذكرى مع ذكري
.
.
.
وما بقى بكرى