---------
يا مناديه ..
يكفيك هالليله نِدى
خلاص يكفي
هذا انا جيتك .. صدى !

جيتك بشوقي ودمعتي
والفرحه تسبق خطوتي
جيت بمشاعر ثايره ..
استعذبت منك الوله
تتمنى تلقى أولّه

يا مناديه ..
اعطيني من ثغرك وعد
وقولي لإحساسي بعد
قولي .. !
قولي وحشني يا هواي ..
حبك اللي ما رويته
وقلبك اللي ما نسيته
وحشني حتى ..
حكيك اللي ما حكيته
قولي يا برد المطر
قولي يا أحلى عطر
افضحي شوقك لقلبي
قولي أتمناك قربي
مشتاقه تكتبني قصيده
تقراها في ليلي معاك
مشتاقه ترسمني عنيده
تلين لا جاها هواك !

مشتاقه أبقى طفلتك
وأحضن مشاعر لهفتك

قولي ..

لا غبت ألقاني أضيع
وتحرق ورودي غيبتك
وان جيتني القى الربيع
يزهى حبيبي بجيتك


يا مناديه

يامواج قلبي الهاديه
ياسرار عمري الخافيه
اشتقتلك
بالحيل يانا اشتقتلك !
ولو تبيني .. حلفتلك !!
يا حياتي المقبله
الشوق يمك أحمله
والخوف والله مِهمله
خذيني يالله في هَناك
حطيني بسمه في شفاك

يا مناديه
هذي عيوني ضاميه
تحكيك لهفه واشتياق
وأحكيك أنا لحظة عناق

يا مناديه
عشت الليالي الماضيه
مثل الأسير !
العمر قدامه قصير
والحلم لاجاله .. مصير!
ان بكى عاف الدموع
وان حكى عانى الخضوع

يا مناديه
يكفيك هالليله نِدى
يكفي خلاص!
هذا انا جيتك صدى
=-=-=-=-=
بقلم قبرالجروح
عجبتني ونقلتها لعيونكم الحلوه