(1)يحتاج لك:
بعضي وكلي:
يحتاج لك :
ذاتي وظلي،
يحتاج لك:
دمعي وحزني والاسى..
احتاج قلبك واعشقه
احتاج له .. اللي نسى
واللي قسى،
واللي يبعثر لي بغروره
مجمل اوقات المسا ،
احتاج لك..

(2)واستعمرك،
وازرع بخصب شعورك أمجادي،
وأعزف انا بناي الامل
نوته عليها انكتب:
(تاريخ ميلادي)
واذكر طفوله إكبرت""
واذكر بقايا اثر ،من ماضي أجدادي..
وأسترجع الذكرى لجل/
أسرد حكايات((السجن.. وعيون اصفادي))
وأستعمرك ،
واثري انا م استعمرك،
لكن احاول ابتعد
وأطلب إعتاقي..
وأطلب أنا حريتي ،
لجل أعشقك ،
وانا ادري انه ما يصير اعشق بيوم
شيخ اسيادي "

(3)قلبك قبيله سيدي..
والنبض من حولك (عبيد)
قلبك إلا منه نبض..
قلت أبشر بعزك حبيبي:
جيت البي ما تريد.
اه يا (شيخي) العنيد
يا بقايا امنياتي
يا شظايا ذكرياتي،
أدري إن باسك شديد
ولين خلصت الحكايه ببتدي
سطر جديد:
واكتب إني (موت احبك)
يا مشاعر تجري في هذا الوريد

(4)حبيبي اعذر حروفي،
وإعذر ايضا التعبير.
لأن (اليل) يا قلبي
غدر فيني وضيعني..
تصدف؟ ما قدر يسمع
عجز يتحمل شعوري،
وسلم همي للأنوار
تعب ليلي وهو يسمع،
حديثي عن بقايا حب :
سوالفنا
وضحكتنا
زوايانا وجمعتنا،
هذيك الطاوله والدار
تعب ليلي وهو يسمع،
حكاية قهوة الأحباب"
اسولف له عن القهوه
هذيك القهوه الحلوه
وعن سكر علاقتنا
اسولف له عن اللي غاب

(5)
ومنهو غاب يا كلي؟
قطع درب الهوى فيني
قطع اغلى شرايني
وبعد ما ماتت عروقي،
رتل سورة (( الأحزاب))..
توضأتك طهر عاطر،
وصليت بشموخ الدين.
دعيت الله وانا أسجد:
يا ربي احفظه دايم
واعطه اللي يبيه وزود ،
يا ربي فرح اقليبه
وحفظه من حسود العين.

منقوووول شعر أمل المرزوق

تحياتي فص العقيق...