تويت
هاتي سنيني وش اللي حلل سنيني
مدام رحتي وش اللي بس يعنيني
كنتي غناتي وانا معطيك ماعندي
واليوم بعد الوفا والود خنتيني
خلي صدوف اليالي والعذر خلي
يابنت الاجواد مافيني مكفيني
عطيتك اللي بعيد يحصله غيرك
سلمتك هموم قلبي معه سكيني
واللي عطاك الولي ربي وسبحانه
علام الاسرار مغرقني ومنجيني
معك مشيت وعلى عهدي وميثاقي
اللي عطيتك ولا قصرت ياعيني
يابنت انا معترف واقولها مره
والفين مره ترى حبك معنيني
رمشك علي الحرام وذمتي ذمه
في غبت(ن) مضلمه دايم موديني
سلهام عينك وانا لو قلت سلهامك
من قولته بس اشوف الموت يدنيني
يابنت لو اعرف اني بقدر اوصلك
لمشيك لو بيننا درب(ن) يعنيني
لكن انا لو مشيت الدرب واجتزته
غيره حواجز مهيب اميه وميتيني
غيره دروب تخالف منهج السنه
واسلامنا اللي على الفطره مقديني
لكن حسافه خدعتيني وانا مدري
وانتي بذمة رجال العرف والديني
لكن بقول اصبري ويجيك ماجاني
يلعبك اللي يزوده بلتك طيني
انا ولد من يوردها على المارد
صافي قراح النباء وانتي تعرفيني
ماني بهافي ولد هافي وحي الله
حتى ولو بجمال الرمش تغريني
يابنت بقضي حياتي حالم بقربك
ولا ابيك بحياتي لو تبغيني
هاتي سنيني معك واللي مضا كله
لو أن حبك غذاي وفي شراييني
مابي محبه على غير النقا تبناء
واللي وصلني يكفيني ويغنيني
هذي رساله وانا ماودي اطول
واشرح عن اللي من اسبابك معنيني
منقول
تحياتي
![][ ريوووف ][](data:image/svg+xml;base64,CgkJCTxzdmcgeG1sbnM9J2h0dHA6Ly93d3cudzMub3JnLzIwMDAvc3ZnJyB2aWV3Qm94PScwIDAgNTAgNTAnPgoJCQkJPHJlY3Qgd2lkdGg9JzEwMCUnIGhlaWdodD0nMTAwJScgZmlsbD0nI2EzODBiNicgLz4KCQkJCTx0ZXh0IHg9JzUwJScgeT0nNTAlJyBmaWxsPSd3aGl0ZScgZm9udC13ZWlnaHQ9J2JvbGQnIGZvbnQtZmFtaWx5PSdBcmlhbCcgZm9udC1zaXplPSczMDAlJyBkb21pbmFudC1iYXNlbGluZT0nY2VudHJhbCcgdGV4dC1hbmNob3I9J21pZGRsZSc+XTwvdGV4dD4KCQkJPC9zdmc+CgkJ "][ ريوووف ][")
تعليق