تويت
(( أبشّرك ماكن فاقد لي إنسان )) .. .. !!
لاتحسب انّ بغيبتك هم وأحزان
والا دموع العين تبكي وتنصفْك
ابشرك ماكن فاقد لي انسان
بعد الذي سويت ماكنّي اعرفْك
لنّك خسرت اللي يعاملك بإحسان
اللي رهن عمره على شان يسعفْك
وحطك هنا سلطان لو منت سلطان
وخلّى البشر لأجلك وجا لك يحالفْك
حتى المشاعر والقوافي والأوزان
مْن الغلا جاتك سرايا توالفْك
والا قصيدْه لو توفّيه الألحان
يكبر بعينه من يداعب شفايفْك
في غربته مايشبهك غير الأوطان
يشتاق لترابك عيونك سوالفْك
واليوم يوم الحال نقصان نقصان
ولا فيه شي ٍفي غيابك مخوّفْك
روّح وتلقى واحد مثلك يهان
في غفلتك في صحوتك ي تخلّفْك
خوّان ؟لا والله حشى منت خوّان
هذي صغيره لو بغيت انّي اوصْفْك
بكره بتشكي من عنا الوقت حرمان
وتبطي وقلبك في يدينك وعايفْك
وان ساقت الصدفه وعاد الذي كان
بقول لك لحظه؟ انا وين شايفْك؟
وببشّرك ماكن فاقد لي انسان
بعد الذي سويت ماكنّي اعرفْك
منقووووووووووووول
تعليق